IT MARKET — Oʻzbekiston IT-imkoniyatlari olamida qoʻllanma

2021-yilda IT Park oʻzining yangi loyihasi — IT MARKETʼni taqdim etdi.

IT MARKET — bu IT-buyurtmalari va mutaxassislarni qidirish jarayonini soddalashtirish maqsadida yaratilgan onlayn platforma. Platforma axborot texnologiyalari sohasida ish qidirayotgan kishilar, malakali mutaxassislarni topishga tayyor kompaniyalar va oʻz IT-loyihalari uchun imkoniyatlarni oʻrganayotgan mijozlar oʻrtasidagi koʻprik boʻlib xizmat qiladi.

Ushbu platforma qanday afzalliklarni taklif qiladi?

· IT sohasida boʻsh ish oʻrinlarini qidirish

IT MARKET Oʻzbekistonning yetakchi IT-kompaniyalari tomonidan taklif qilinadigan boʻsh ish oʻrinlarining keng tanlovini taqdim etadi. Bu yerda tajriba darajasi va mutaxassislikdan qatʼiy nazar, qiziqarli takliflarni topish mumkin.

· IT-mutaxassislarning rezyumelarini koʻrish

Platforma IT-mutaxassislarining rezyumelariga kirish imkonini beradi, bu esa loyihalaringiz uchun malakali nomzodlarni topish va tanlashni osonlashtiradi.

· Kompaniyalar portfeli bilan tanishish

Platforma mahalliy IT-kompaniyalar portfellarining keng koʻlamli bazasini taqdim etadi. Bu mijozlarga ularning ehtiyojlari va umidlariga mos keladigan hamkorni tanlashga yordam beradi.

· Buyurtmalarni qidirish

Qiziqarli loyihalar ustida ishlashni xohlovchi IT-mutaxassislar uchun IT MARKET ularning koʻnikma va qiziqishlariga mos buyurtmalarni topish imkoniyatini beradi. Shuningdek, siz oʻz rezyumengizni joylashtirishingiz va xizmatlaringizni taklif qilishingiz mumkin.

· Bepul foydalanish

Asosiy afzalliklaridan biri — IT MARKETʼdan bepul foydalanish imkoniyati hisoblanadi. Boʻsh ish oʻrinlari, rezyumelar va portfellarga kirish uchun toʻlov talab qilinmaydi, bu esa platformani hamma uchun ochiq qiladi.

Bugungi kunga qadar platformada 1100 dan ortiq mutaxassislarning rezyumelari, 1400 ta boʻsh ish oʻrinlari, 500 ta kompaniya portfeli va 130 ta buyurtmalar joylashtirilgan.

IT MARKET veb-saytlarni ishlab chiqish, ilovalar yaratish, raqamli marketing, SMM va PR, biznes jarayonlarini avtomatlashtirish, sinovdan oʻtkazish, qidiruv tizimini optimallashtirish, reklama, oʻyinlar, mobil ilovalar yaratish, infratuzilma, IT-konsalting, kontent va boshqa turli IT sohalarida buyurtma berish va mutaxassislarni izlash imkonini beradi.

Foydalanuvchilarga qulaylik yaratish maqsadida joriy boʻsh ish oʻrinlari va rezyumelar chop etiladigan Telegram kanal ishga tushirilgan. Bu platformadagi soʻnggi voqealardan xabardor boʻlishning qoʻshimcha usuli.