Vention kompaniyasi QA boʻyicha individual amaliyot dasturini eʼlon qilmoqda

IT Park rezidenti Vention nomzodlarni QA amaliyot dasturida ishtirok etishga taklif qiladi.

Amaliyot oktyabr oyida boshlanadi va 6 dan 8 soatgacha boʻlgan davomiylikdagi kunlik mashgʻulotlar bilan 2 oydan 3 oygacha davom etadi. Dastur doirasida amaliyotchilar real hayotdagi loyihalarni aks ettiruvchi amaliy tajribaga ega boʻladilar va yirik global IT-kompaniyasining ish jarayonlariga chuqur kirib boradilar. Dasturni muvaffaqiyatli tugatgandan soʻng, har bir amaliyotchi Ventionʼda ishga joylashish imkoniyatiga ega boʻladi.

Nomzodlardan ingliz va rus tillarini yaxshi bilishi (Intermediate va undan yuqori), muloqot qobiliyati, mustaqil oʻrganish va shaxsiy rivojlanish uchun yuqori motivatsiya, veb va mobil ilovalar boʻyicha asosiy bilimlar, shuningdek, kuniga 6-8 soat oʻqishga tayyor boʻlishlari talab etiladi.

Bajariladigan vazifalar:

• funksional va nofunksional sinovlar: veb va mobil ilovalar;
• foydalanuvchi interfeysini sinovdan oʻtkazish;
• API/veb xizmatlari va maʼlumotlar bazalari bilan ishlash;
• turli xil xatolarni kuzatish va hujjatlashtirish tizimlaridan foydalanish;
• loyiha talablari va sxemalari bilan ishlash, jumladan talablarni batafsil oʻrganish;
• dizayndagi nomuvofiqliklar, ziddiyatli talablar va nuqsonlarni aniqlash uchun sinov oʻtkazish.

Dastur amaliyotchilarini nima kutmoqda?

• haqiqiy loyihalarda ishtirok etish va kichik guruhlarda individual taʼlim (3 dan 15 kishigacha);
• guruh va individual mashgʻulotlarga moslashtirilgan amaliyot va nazariya;
• jahon standartlariga javob beradigan amaliyot muddati;
• dastur davomida tajribali murabbiydan professional rahbarlik va yordam.

Rezyumeni quyidagi elektron pochta manziliga yuborishingiz mumkin:

anastasiya.hryshko@ventionteams.com