“Hello Hosts” ta’lim podkast-inkubatorining birinchi to‘lqini yakunlandi

“Hello Hosts” dasturi UZCARD tomonidan IT Park, O‘zbekiston Respublikasi Markaziy banki va Innovatsiyalar va texnologiyalar transferi milliy ofisi bilan hamkorlikda yo‘lga qo‘yilgan.

“Hello Hosts” podkast-inkubatori – Oʻzbekistonda taʼlim podkastini qoʻllab-quvvatlash va rivojlantirishga qaratilgan dastur boʻlib, uning doirasida rezidentlarga UZCARD korporativ podkast studiyasidan maslahatlar, shuningdek, ijtimoiy platformalarda oʻzlarining podkast kanallarini bepul ochishda koʻmak beriladi.

Dastur 6 oy davom etdi. Loyiha yakunida inkubatorning 7 nafar rezidenti quyidagi mavzularda podkast kanallarini (100 dan ortiq epizodlar) ishga tushirishdi:

• ta’lim va moliyaviy savodxonlik;

• startaplar va yangi texnologiyalar;

• venchur investitsiyalar;

• moliyaviy va bank texnologiyalari;

• sogʻlom turmush tarzi va boshqalar.

Ishtirokchilar podkastlarini telegram bot orqali yoki dastur web sahifasida tinglash mumkin.

“Hello-Hosts” ilk toʻlqini rezidentlari:

• Latipov Rodion: “PROФинансы” — moliya haqida podkast;
• Muratov Bahovuddin va Dadajonov Shohmir: “Xomchoʻt” — tinglovchilarning moliyaviy savodxonligini oshirish maqsadida sobiq “Katta to‘rtlik” auditorlari tomonidan yaratilgan o‘zbek tilidagi podkast;
• Alina Tyo: “Бежать или лежать” — podkast sport tufayli hayoti yaxshi tomonga o‘zgargan odamlarning hikoyalariga bag‘ishlangan;
• Marat va Aliana Smaginlar: «Tingla Podcast» — suhbat davomida qizi otasiga ma’lum bir mavzu bo‘yicha savol beradi. Otasi esa ularga yoshlar orasidagi trendlarni hisobga olgan holda javob beradi va har bir atama mohiyatini tushuntiradi;
• Feruza Kamaliddinova: «Уютные сказки» — bolalar uchun audio ertaklar podkasti.