IMAN startapi 500 Global akselerator fondidan investitsiya jalb qildi

Islomiy moliya tamoyillari asosida faoliyat yurituvchi fintech investitsiya kompaniyasi IMAN Invest xalqaro fond va 500 Global akseleratoridan investitsiyalarni jalb qildi. Kelishuv AQSh hududida, San-Fransiskoda boʻlib oʻtdi.

IMAN – bu “Islomiy moliya” tamoyillariga asoslangan dunyodagi birinchi global investitsiya fondi hisoblanadi. Loyiha ikkita asosiy komponentni oʻz ichiga oladi: IMAN Invest va IMAN Pay.

IMAN loyihasi har kimning adolatli va shaffof investitsiya mahsulotlari, shuningdek, shariatga mos xizmatlardan foydalanish imkonini taʼminlashga qaratilgan. Asoschilar buni texnologiyaning rivojlanishi tufayli mumkin deb hisoblashadi. Shuningdek, “IMAN” jamoasi odamlarga rivojlangan va ilg‘or dunyodan ortda qolmasligi uchun to‘g‘ri moliyaviy qarorlar qabul qilishda yordam bermoqchi.

Bugungi kunda startap xalqaro jamg‘arma va akselerator 500 Global investitsiyalarini jalb qildi. Eslatib o‘tamiz, 500 Global jamg‘armasi dastlabki bosqichda o‘rtacha 500 000 dollargacha sarmoya kiritadi.

“500 Global kabi Tier-1 akselerator fondlari MDH kompaniyalariga sarmoya kiritayotganidan xursandman. 500 Global kabi investitsiya fondi yuqori texnologiyalar va venchur investitsiyalar dunyosidagi sifat mezonidir va ushbu 500 investitsiyasi nafaqat bizning loyihamiz, balki mintaqamiz va Islom moliya sanoatining global investorlar hamjamiyati uchun jozibadorligini namoyish etadi. Bu mamlakatimizning ham, butun dunyoda Halal standartlari bo‘yicha faoliyat yuritayotgan kompaniyalarning ham sarmoyaviy jozibadorligini oshirish yo‘lidagi ulkan qadamdir”, — deydi IMAN kompaniyasi direktori va hammuassisi Rustam Rahmatov.

Hozir startap boshqa rivojlanayotgan bozorlarga yosh va texnologiyani yaxshi biladigan musulmon aholisi bilan, bir martalik daromadlarning koʻpayishi va raqamli elektron tijorat toʻlov tizimlarining kirib borishi bilan kirishni rejalashtirmoqda. Loyiha jamoasi Oʻzbekiston va Qozogʻistondan keyin AQSh, Buyuk Britaniya, Pokistonga kirishni, shuningdek, Janubiy Osiyo, Yaqin Sharq va Shimoliy Afrika mamlakatlarini qamrab olishni rejalashtirmoqda.

IMAN loyihasining dastlabki yutuqlarini eslatib oʻtamiz:

• startap “Entrepreneurship World Cup” (EWC) versiyasi boʻyicha TOP-100 ta eng yaxshi startaplar qatoriga kirdi;
• eng yirik xalqaro texnologiya tanlovi “Seedstars World Competition 2021” finaliga chiqdi;
• IT Parkʼda akseleratsiya dasturini muvaffaqiyatli yakunladi.

500 Global – bu 2010-yilda tashkil etilgan venchur fondi va akselerator kompaniyasi hisoblanadi. 2,7 milliard dollardan ziyod aktivlarga ega kompaniya texnologiya, innovatsiyalar va kapital uzoq muddatli qiymat yaratishi va iqtisodiy o‘sishni rag‘batlantirishi mumkin bo‘lgan bozorlarga sarmoya kiritadi. Umuman olganda, 500 Global fondi qiymati 1 milliard dollardan ortiq boʻlgan 50 dan ziyod kompaniyaga va qiymati 100 million dollardan ortiq boʻlgan 150 dan ziyod kompaniyalarga sarmoya kiritdi. Ular orasida Canva, Goldbelly, Grab va endi IMAN kabi kompaniyalar bor.