IT-mutaxassisining hikoyasi: 24 yoshda qanday qilib oyiga $1000 daromad olish mumkin?

Yosh isteʼdodlar, yoshiga qaramay, katta muvaffaqiyatlarga erishishlari va hatto daromad olishlari mumkin. Har hafta “IT-mutaxassisining tarixi” ruknida biz bunday iste’dodlar haqida aytib beramiz.

Bugungi hikoyaning qahramoni – Fargʻonadan 24 yoshli Sanjarbek Asrorov. 2017-yildan 2021-yilgacha Muhammad al-Xorazmiy nomidagi Toshkent axborot texnologiyalari universitetining Farg‘ona filialida tahsil olib, u yerda dasturiy injiniringni oʻzlashtirgan.

Talabalik paytida u veb-dasturlashni ham oʻrgangan. 2019-yilda Farg‘ona tumanida birinchilardan bo‘lib internet-do‘kon uchun saytni yaratdi va ishga tushirdi, shu tufayli hozirda yaxshigina daromad olmoqda.

2020-yil sentabr oyidan boshlab Sanjarbek Marg‘ilondagi Raqamli texnologiyalar markazida frontend- va backend-dasturlash yoʻnalishlarida, 2021-yil iyul oyidan boshlab IT Park Farg‘ona filiali IT-Markazida dars beradi.

Sanjarbek turli tanlov va musobaqalarda faol ishtirok etib, baʼzilarida sovrinli o‘rinlarni egallagan. Bundan tashqari, u hamfikrlar jamoasi bilan birgalikda bir qancha yirik loyihalarni, jumladan, davlat buyurtmalarini ishga tushirgan.

Dasturlashdan tashqari, rubrikamiz qahramoni kibersport bilan ham shug‘ullanadi. “Ra1sBuva” YouTube kanalida milliy va xalqaro musobaqalarni yoritib boradi.

Bugungi kunda, Sanjarbek o‘zining internet-do‘koni va oʻqitish orqali oyiga taxminan $1000 daromad oladi.