IT-mutaxassisining hikoyasi: talaba qanday qilib oyiga $2000 daromad oladi?

IT Park oʻquvchilarning muvaffaqiyatga erishishlariga yosh toʻsqinlik qilmasligini isbotlay olgan mutaxassislarning hikoyalari bilan bo‘lishishni davom etmoqda.

Rubrikaning bu galgi qahramoni – Mirislom Mirabzalov. U Toshkent shahrida tug‘ilib o‘sgan.

Maktabda Mirislom kompyuter fanini yaxshi koʻrardi. Shunda ham u oʻz hayotini IT bilan bogʻlamoqchi ekanligini angladi. Bu oʻnga bo‘lgan mehr uni Toshkent axborot texnologiyalari kasb-hunar kollejiga, so‘ngra Toshkentdagi Amity Universitetiga olib keldi, u yerda hozir 3-kursda oʻqiydi.

Iqtidorli talaba OTMʼdagi o‘qishini o‘qituvchilik faoliyati bilan uyg‘unlashtirmoqda: hozirda Mirislom Termiz shahridagi IT Markazda “Full stack” yo‘nalishida dars bermoqda va AD.Avzal.uz loyihasi asosida Surxondaryo viloyatidagi IT Park rezidentlari qatoriga qo‘shilgan holda 17 ta loyiha ustida ishlamoqda.

Yosh mutaxassisning maqsadi – O‘zbekistonning IT-sohasini rivojlantirish va mamlakatimizni boshqa rivojlangan davlatlar qatori jahon axborot texnologiyalari markaziga aylantirishga ko‘maklashish.

Bundan tashqari, frilans yoʻnalishi Mirislom uchun katta ahamiyatga ega. U Sharqiy Yevropadagi mashhur FL.ru frilans-birjasining faol aʼzosi va “Height” (@Height.company) deb nomlangan autsorsing buyurtmalarini bajaradigan oʻz kompaniyasini yaratishga muvaffaq boʻldi.