IT oʻquv markazlari bitiruvchilari uskunalar uchun kredit olishlari mumkin!

Endi IT Park rezident muassasalari bitiruvchilari ham uskunalar xarid qilish uchun foizsiz kredit olishlari mumkin!

O‘zbekiston Respublikasi Prezidentining 2022-yil 12-avgustdagi PQ-350-son Qaroriga muvofiq IT-mutaxassislar va talabalar uchun iste’mol krediti olish tartibiga o‘zgartirishlar kiritildi.

Endi IT Park rezidenti bo‘lgan ta’lim muassasalari bitiruvchilariga ham uskunalar xarid qilish uchun kreditlar berilmoqda. Shu bilan birga, axborot texnologiyalari sohasida ta'lim bilan shug'ullanuvchi rezident tashkilotlarning reyestri IT Park tomonidan elektron axborot tizimi shaklida yuritiladi hamda zarur hollarda tijorat banklari, manfaatdor vazirlik va idoralar bilan integratsiya qilinadi.

Kredit AT “Xalq banki”, AT “Aloqa bank” va “Mikrokreditbank” ATB tomonidan 25 BHM dan ko‘p bo‘lmagan miqdorda beriladi.

Buning uchun quyidagilar lozim:

• “One Million Uzbek Coders” platformasidagi kurslarni maksimum ikki oy oldin tamomlaganlik sertifikatiga ega bo‘lish;  yoki IT Park rezidentlari bo‘lgan tashkilotlarning axborot texnologiyalari sohasidagi oxirgi 6 oy davomida o‘quv kurslarini muvaffaqiyatli tamomlaganligi to‘g‘risidagi sertifikatga ega bo‘lish;
• Davlat xizmatlari Markaziga murojaat qiling va onlayn tarzda ariza yuboring: https://my.gov.uz/ru/service/523
• Yoshlar ishlari Agentligidan tasdiqlashni kuting;
• keyin banklardan biriga murojaat qiling.

Kredit 2 yilga beriladi va uning foizi Yoshlar ishlari Agentligi mablagʻlari hisobidan qoplanadi. Asosiy qarz qarz oluvchining oʻzi toʻlaydi.

Arizani qanday toʻldirib yuborishni oʻrganish uchun videoni tomosha qiling: https://www.youtube.com/watch?v=iQOazQ7P19w

Kompyuter xaridi uchun foizsiz kredit olishga ariza topshirishga shoshiling!