IT Park eshitish qobiliyati cheklangan bolalar uchun IT kurslarini ishga tushirdi  

2021-yil 4-oktyabr kuni eshitish qobiliyati cheklangan bolalar uchun ta’lim loyihasi doirasida Toshkentdagi yangi IT Park filialida birinchi dars bo‘lib o‘tdi.  Ushbu loyiha imkoniyati cheklangan bolalar uchun axborot texnologiyalari sohasida sifatli va arzon ta’lim berish maqsadida IT Park tashabbusi bilan Xalqaro elektr aloqasi ittifoqi bilan birgalikda amalga oshirildi.  

Ushbu o‘quv dasturining talabalariga Microsoft Office, Scratch dasturlash tili, shuningdek HTML va CSS dasturlarini o‘zlashtirish kurslaridan iborat Photoshop va Corel Draw yordamida grafik dizayn, kompyuter savodxonligi va Web-texnologiyalari 2 bosqichda o‘rgatilinadi.

Butun o‘quv jarayoni mobaynida talabalarga olgan bilimlarini yanada samarali o‘zlashtirish uchun axborot texnologiyalari sohasida yetakchi mutaxassislar bo‘lgan murabbiylar hamrohlik qiladi.  Bundan tashqari, talabalar eshitish qobiliyati cheklangan bolalarga tushunarli bo'lgan surdo tarjimali "One Million Uzbek Coders" kursiga kira oladilar.

Imkoniyati cheklangan bolalar ham hamma kabi bilimga ega bo‘lishlari kerak. Aynan shuning uchun IT Park filiali o‘z ishlanmalari va loyihalari ustida mustaqil ishlashlari uchun barcha zarur shart-sharoitlarni yaratdi, bu esa ularga axborot texnologiyalari dunyosi qanday tuzilganligini yanada yaxshiroq tushunishga yordam beradi.

IT Park filialidagi yangi o‘quv markazi xalqaro standartlarga muvofiq qurilgan va har bir bolaning individual ehtiyojlari inobatga olingan holda barcha zarur audio uskunalar bilan jihozlangan.

Axborot texnologiyalari sohasini rivojlantirish va mamlakatimizda startap ekotizimini shakllantirishda aholiga yuqori sifatli IT kurslarini taqdim etish bo‘yicha ta’lim dasturlari va loyihalari muhim omil hisoblanadi. Bu shuni anglatadiki, qanchalik ko‘p bolalar talabgir IT sohalarini   o‘zlashtirsalar, mahalliy kompaniyalar va tashkilotlarda shunchalik iqtidorli mutaxassislar ko‘payaveradi.