IT Park rezidenti “UZCARD” “Иннотех” KG bilan hamkorlikda IT muhandislarni o‘qitish bo‘yicha bepul loyihani ishga tushirmoqda.

Joriy yilning 14-dekabr kuni IT Park rezidenti “UZCARD”, O‘zbekiston Respublikasi umumdavlat protsessing markazi, bank sohasini raqamlashtirish bo‘yicha yuqori texnologiyali yechimlarni yetkazib beruvchi yetakchi “Иннотех” KG bilan hamkorlikda IT Park Uzbekistan ko‘magida 2022-yil 1-fevralda boshlanadigan “DevOps, OpenShift va u bilan fintechda qanday yashash kerak” nomli yagona bepul taʼlim IT kursi uchun arizalarni qabul qilish boshlanganini eʼlon qilishdan mamnun. Loyiha CI/CD muhandislari va DevOps mutaxassislarining professional darajasini oshirish uchun mo‘ljallangan. Kurs o‘zini CI/CD muhandisi rolida sinab ko‘rmoqchi bo‘lgan tizim administratorlari uchun ham foydali bo‘lishi mumkin.

Tadbir ikki kompaniya o‘rtasida 2021-yil sentabr oyida imzolangan raqamli iqtisodiyotning innovatsion texnologiyalarini rivojlantirish loyihalarini amalga oshirishda hamkorlik qilish to‘g‘risidagi shartnoma doirasida amalga oshirilmoqda. Kompaniyalarning yetakchi mutaxassislari tomonidan tuzilgan ta’lim dasturi zamonaviy to‘lov biznesining so‘nggi tendensiyalari va talablarini hisobga olgan holda ishlab chiqilgan.

25 loyiha ishtirokchilari muhandislik bilimlari uchun maxsus testdan o‘tish natijalariga ko‘ra tanlab olinadi.  To‘rt hafta davomida ular quyidagi modullar bo‘yicha o‘qitiladi: mikroservis arxitekturasi, bulutlar, Docker va k8s bilan tanishish, OpenShift asoslari, TeamCity va TeamCity Kotlin DSL’da CI/CD, monitoring, kuzatuvchanlik.

Bundan tashqari, talabalar OpenShift’da ilovalarni avtomatik joylashtirish uchun CI/CD’ni o‘rnatish bo‘yicha amaliy loyihani mustaqil ravishda amalga oshirish imkoniyatiga ega bo’ladilar.  Mashg‘ulotlar nafaqat nazariy bilimlarni baham ko‘rishga, balki ko‘p yillik kasbiy rivojlanish jarayonida ishlab chiqilgan layfxaklarni ko‘rsatishga tayyor bo‘lgan kompaniyalarning yetakchi muhandislari tomonidan olib boriladi.

Ta’lim dasturining sakkizta o‘quv vebinaridan iborat chuqur nazariy qismi amaliy topshiriqlar bilan qo‘llab-quvvatlanadi.  Mashg‘ulotlar “UZCARD” korporativ akseleratori saytida o‘tkaziladi. Trening natijalariga ko‘ra, eng yaxshi bitiruvchilar kursni tashkil etuvchi ham kompaniyalarda, ham boshqa xalqaro hamkor kompaniyalarda amaliyot o‘tash va ishga joylashish uchun noyob imkoniyatga ega bo‘ladi.

Arizalar 2022-yil 16-yanvargacha qabul qilinadi. Har bir dasturchi “DevOps, OpenShift va u bilan fintech’da qanday yashash” kursining 25 nafar ishtirokchisi qatoriga kirish uchun - http://https: //devops.uzcard.uz/ havolasi orqali o‘zini sinab ko‘rishi va maxsus testdan o‘tishi mumkin.

“Bunday noyob loyihani “UZCARD” kompaniyasi bilan birgalikda amalga oshirish biz uchun alohida ahamiyatga ega.  Biz bilamizki, O‘zbekistonda juda iqtidorli yoshlar bor, ularga o‘zini ko‘rsatish imkoniyatini berish kerak. Bizning yetakchi muhandislarimiz raqamli biznesning barcha zamonaviy talablarini hisobga olgan holda to‘liq ta’lim dasturini ishlab chiqdilar. Kurslar yosh DevOps va OpenShift mutaxassislariga ushbu yo‘nalishlar bo‘yicha bilimlarini oshirishga yordam beradi deb umid qilamiz”, ta’kidladi “Иннотех” GK bosh direktori Igor Kalganov.

“Иннотех” KG bilan hamkorlikda ishlash bizga ilg‘or soha tajribasi va orttirilgan tajribani almashish imkonini beradi. Mamlakatimizdagi yosh IT muhandislari xalqaro ta’lim dasturlariga katta qiziqish bildirmoqda. Ishonchimiz komilki, ushbu loyiha o‘z kasbiy mahoratini doimiy ravishda oshirib borish istagida bo‘lgan soha mutaxassislari uchun ajoyib qo‘llab-quvvatlash bo‘lib xizmat qiladi. Iqtidorli, tajribali trenerlar va puxta ishlab chiqilgan ta’lim dasturi tufayli talabalar IT bozorida yanada raqobatbardosh bo‘lish uchun o‘zlarining kasbiy tayyorgarligini oshirishlari mumkin”, — dedi “UZCARD” bosh direktori Farrux Ziyayev.

“Иннотех” KG - 2020 yildan beri bank sanoatini raqamlashtirish uchun innovatsion yechimlarni ishlab chiquvchi zamonaviy yuqori texnologiyali tez rivojlanayotgan kompaniya. “Иннотех” KG Rossiyaning eng yirik bank tashkilotlari bilan hamkorlik qiladi, shuningdek, Yaqin Sharq, Afrika va Janubi-Sharqiy Osiyoda faol hamkorlikni yo‘lga qo‘yadi.  Kompaniya haqida batafsil ma’lumotni rasmiy veb-saytda topishingiz mumkin.

UZCARD – O‘zbekiston Respublikasidagi yetakchi milliy to‘lov operatori. Kompaniyaning asosiy maqsadi milliy toʻlov biznesi sohasida mahsulotlarni doimiy ravishda izlash, rivojlantirish va takomillashtirish, zamonaviy servisni modernizatsiya qilish, Fintech sohasida xizmatlar ko‘lamini oshirishdan iborat.  Kompaniya haqida batafsil ma’lumotni rasmiy veb-saytda topishingiz mumkin.