IT Park Uzbekistan va Kreativ sanoatlar agentligi GameDev sohasini rivojlantirish bo‘yicha memorandum imzoladi

Xizmatlar eksportini rivojlantirish bo‘yicha direktor Mahliyo Muksinova boshchiligidagi IT Park Uzbekistan vakillari Kreativ sanoatlar agentligi (KSA, Moskva) delegatsiyasi bilan uchrashuv o‘tkazdi. KSA tomonidan muzokaralarda bosh direktor Gulnora Agamova va “Video o‘yin sanoatini rivojlantirish” NNT bosh direktor o‘rinbosari Aleksandr Bodrov ishtirok etdi. Uchrashuv yakunida tomonlar hamkorlik memorandumini imzolab, GameDev sohasida qo‘shma tashabbuslarni rivojlantirishga kelishib oldilar.

“Kreativ sanoatlar agentligi” NNT — 2020-yilda Moskva hukumati tomonidan tashkil etilgan kreativ biznesni qo‘llab-quvvatlash markazidir. Tashkilotning vazifasi — turli yo‘nalishlarda: san’at sanoati, arxitektura, video o‘yinlar va dasturiy ta’minot, dizayn, yangi media, kino va boshqa sohalarda kreativ tadbirkorlik va shahar infratuzilmasini rivojlantirishga ko‘maklashishdan iborat. KSA ko‘magida “Skolkovo” markazida Rossiyadagi birinchi video o‘yinlar va animatsiya ishlab chiquvchilar klasteri — Moskva video o‘yinlar habi rivojlanmoqda. Ushbu maydon jamoalarga qulay ishlash, loyihalarni taqdim etish va ko‘nikmalarni oshirish uchun ofislar va kovorking, shuningdek, ko‘rgazma va o‘quv maydonlarini o‘z ichiga oladi.

Muzokaralar davomida tomonlar hamkorlikning aniq qadamlarini muhokama qildilar. Bular Moskva video o‘yinlar habi tomonidan o‘zbek o‘yin studiyalarini qo‘llab-quvvatlash choralari, qo‘shma akseleratsiya va ta’lim dasturlarini ishga tushirish, akselerator yaratish bo‘yicha batafsil muzokaralarni boshlash, shuningdek, IT Park Uzbekistan va o‘zbek o‘yin studiyalarining Moskvadagi asosiy tadbirlar — noyabr oyidagi Video o‘yinlar haftaligi va Kreativ sanoatlar haftaligida ishtirok etishini o‘z ichiga oladi.

Bundan tashqari, tomonlar IT Park Uzbekistan va o‘zbek o‘yin studiyalarining Moskvadagi ixtisoslashtirilgan tadbirlarda, jumladan, noyabr oyidagi Video o‘yinlar haftaligida ishtirok etishiga kelishib oldilar. KSA tajriba almashish va qo‘shma qo‘llab-quvvatlash dasturlarini rivojlantirishdan manfaatdorligini bildirdi. KSA vakillari “ICT Week 2025” doirasida rejalashtirilgan IT Park Uzbekistan tadbirlarida ishtirok etish istagini ham bildirdi.

KSA bilan hamkorlik IT Park Uzbekistan’ning xalqaro aloqalarini mustahkamlab, o‘zbek gamedev va kreativ startaplari uchun infratuzilma va ta’limdan foydalanish imkoniyatini taqdim etadi, ixtisoslashgan habda rezidentlikni tezlashtiradi hamda yangi bozorlar va investorlarga chiqishga yordam beradi.