IT Park Uzbekistan va QUAY Acceleration o‘zbekistonlik startaplarni AQSH bozoriga olib chiqish uchun gibrid dasturni muhokama qildi

O‘zbekiston delegatsiyasining AQShga tashrifi doirasida IT Parkning AQShdagi doimiy vakili Elbek Kariyev “QUAY Acceleration” kompaniyasi bosh direktori Frensis Simovits bilan uchrashdi. Tomonlar Shimoliy Amerika bozoriga kirishga yo‘naltirilgan O‘zbekiston startaplarini qo‘llab-quvvatlash bo‘yicha gibrid dastur doirasidagi hamkorlik istiqbollarini muhokama qildilar.

2020-yilda tashkil etilgan “QUAY kompaniyasi” startaplarni tezlashtirish va ularning xalqaro miqyosda kengayishiga ixtisoslashgan. Kompaniyaning yillik aylanmasi 20 million dollarni tashkil etadi va uning dasturlari quyidagilarni o‘z ichiga oladi: virtual akseleratorlar va Nyu-Yorkka immersiv sayohatlar; pitching bo‘yicha treninglar, mentorlik, investorlarni tanlash; Yevropa, Markaziy Osiyo, Lotin Amerikasi va MENA startaplari uchun AQSh bozorlariga kirishni qo‘llab-quvvatlash.

“QUAY” allaqachon Qozog‘iston va Qirg‘iziston akseleratsiya dasturlari bilan hamkorlik qilib, asoschilarga investitsiyalarni jalb qilish va strategik bitimlarni tuzishda yordam bermoqda.

“QUAY” IT Park vakillariga 15 ta startapga mo‘ljallangan gibrid dasturning batafsil rejasini taqdim etdi. Unga quyidagilar kiradi: AQSh bozoriga kirish asoslarini o‘rgatadigan 4 haftalik virtual akselerator; investorlar, hamkorlar va ekspertlar bilan uchrashuvlarni o‘z ichiga olgan Nyu-Yorkka 5 kunlik immersiv sayohat; IT Park ustuvorliklariga moslashtirilgan modulli byudjet va moslashuvchan sharoitlar.

Frensis Simovits ta’kidladicha: “Maqsadimiz o‘zbekistonlik startaplar va AQSh ekotizimi o‘rtasida barqaror ko‘priklarni yaratishdir. Ishonchim komilki, O‘zbekiston mintaqada innovatsiyalar uchun yangi markazga aylanishi mumkin.”

“Eksportga yo‘naltirilgan startaplarni qo‘llab-quvvatlash bizning asosiy yo‘nalishlarimizdan biridir. ‘QUAY Acceleration’ kabi dasturlar nafaqat O‘zbekistonning global innovatsiyalar xaritasidagi o‘rnini mustahkamlaydi, balki asoschilarga noyob bilimlar va aloqa tarmoqlaridan foydalanish imkoniyatini ham beradi,” — dedi IT Parkning AQShdagi doimiy vakili Elbek Kariyev.

“QUAY Acceleration” bilan hamkorlik global miqyosga intilayotgan O‘zbekiston startaplari uchun burilish nuqtasi bo‘lishi mumkin. Kompaniyaning AQSh bozori bilan ishlash tajribasi IT Park resurslari bilan birgalikda xalqaro investitsiyalar va strategik alyanslarga yo‘l ochadi. Yaqin oylarda tomonlar hamkorlik bo‘yicha yo‘l xaritasini kelishib olishni rejalashtirmoqda.