IT Park “Y Combinator” kurslarini o‘zbek tiliga tarjima qildi

Yoshlarning kasbiy rivojlanishi uchun axborot texnologiyalari sohasida bilim oshirish katta ahamiyatga ega ekanligi sababli, O‘zbekistonlik volontyorlar dunyoga mashhur “Y Combinator” startap akseletarorini o‘zbek tiliga tarjima qilish bo‘yicha ta’lim loyihasini amalga oshirishmoqda.

“Y Combinator” – bu 2005-yilda ishga tushirilgan AQSh akseletarori hisoblanadi. U o‘z faoliyati davomida Stripe, Airbnb, Cruise Automation, DoorDash, Coinbase, Instacart, Dropbox, Twitch va Reddit kabi 2 000 dan ziyod kompaniyalarni muvaffaqiyatli ishga tushirishda yordam bergan. Mazkur akseletaror axborot texnologiyalari, loyihalarni boshqarishga qiziqadiganlar hamda ushbu yo‘nalishlar bo‘yicha faoliyat ko‘rsatish istagida yurganlar uchun kurslar taqdim etish bo‘yicha o‘z bepul onlayn platformasiga ega.

Shuningdek, “Y Combinator” kompaniya va tashkilot asoschilari hamjamiyatini shakllantirgan. Ushbu hamjamiyat faqat AQShda emas, balki jahon miqyosida tajriba almashish va hamkorlik aloqalarini o‘rnatishga imkon beradi. Ularning asosiy maqsadi yosh avlodni axborot texnologiyalari va biznes dunyosida o‘rin olayotgan zamonaviy tendensiyalar to‘g‘risida xabardor qilib turish, shuningdek, yangi g‘oyalar va loyihalarni ilgari surishda yoshlarni qo‘llab-quvvatlashdan iborat.

Endilikda O‘zbekistondagi yosh avlod tadbirkorlik asoslarini, innovatsion loyihalarni boshqarish, biznes yuritish va turli xil biznes muammolarini hal qilishni o‘zbek tilida o‘rganishlari mumkin bo‘ladi. “Y Combinator” ta’lim platformasidagi darslarni turli xalqaro kompaniyalar va tashkilotlarning yetakchi mutaxassislari olib boradilar, ular sizga o‘z g‘oyalaringizni takomillashtirish va targ‘ib qilishda yordam berishadi.

Hozirgi kunda “Y Combinator” ta’lim platformasidagi 17 ta dars o‘zbek tiliga tarjima qilingan. Ta’kidlash joizki, bu volontyorlar tomonidan ishlab chiqilgan O‘zbekistondagi birinchi ta’lim loyihasidir.

Kurslarning havolasi: https://epark.uz/courses/Y-Combinator-in-Uzbekistan