IT Park “Zamonaviy O‘zbekistondagi ayollar uchun imkoniyatlar”nomli seminar tashkil etmoqda

2021-yil 20-noyabr kuni rivojlanish va yangi narsalar o‘rganish istagida bo‘lgan ayollar va qizlar uchun IT Park Wonder Women, Xalq ta’limi vazirligi huzuridagi Innovatsiyalar, texnologiyalar va strategiya markazi, Artel kompaniyasi va  Amity universiteti bilan hamkorlikda tadbir uyushtiriladi.

Tadbirdan koʻzlangan asosiy maqsad-Oʻzbekiston ayollarining yarmini 5 ta yoʻnalishda: taʼlim, karyera, oʻz-oʻzini rivojlantirish, oila qurish va jamiyat tomonidan qoʻyilgan stereotiplarsiz oʻzini oʻzi anglash boʻyicha taʼlim berishdan iborat.

Tadbirda yuqoridagi mavzularni ochib beruvchi spikerlar ishtirok etib, bugungi kunda qizlar uchun rivojlanish, o‘rganish, mehnat qilish va o‘z-o‘zini bilish uchun qanday imkoniyatlar mavjudligi toʻgʻrisida gapirib beradi.

Spikerlar  quyidagilardan iborat:

• Amiti universiteti administratsiya direktori Bobur Abdullaev;
• Artel kompaniyasi matbuot xizmati rahbari Kamola Sobirova;
• Huquqshunos, Global Shapers Tashkent Hub kurator-asoschisi Dilfuza Kurolova;
• O‘zbekiston Respublikasi Oliy Majlisi Senati huzuridagi Yoshlar parlamenti raisi  Moxistara Muxammadyunusova;
• O‘zbekistonda Mytaxi taksi xizmati, Express 24 oziq-ovqat yetkazib berish xizmati, Workly va Maxtrack tizimlar asoschisi, Akmal Payziev;
• Natalya Maksimchuk, Birlashgan Millatlar Tashkilotining Qozog‘istondagi taraqqiyot dasturi.

Ushbu tadbir tufayli biz xotin-qizlarga endi zamonaviy dunyoda tanlash huquqiga ega degan mafkurani yetkazmoqchimiz.  Davlatimiz tomonidan xotin-qizlarning nafaqat ona va oila o‘chog‘I posboni, balki raqobatbardosh oliy ma’lumotli mutaxassis sifatida kamol topishiga ham e’tibor tobora kuchayib bormoqda.

Tadbirda, shuningdek, davlat idoralari, xususiy va xalqaro tashkilotlar vakillari, startap loyihalar asoschilari va boshqa ko‘plab shaxslar ishtirok etadi.

Shuningdek, ushbu seminar ishtirokchilari orasida tadbir tashkilotchilarining sovg‘alari o‘ynatiladi.

Vaqt: 10:00

Sana: 20 noyabr

Manzil: Amity universiteti

Roʻyxatdan oʻtish uchun havola: https://forms.gle/9wXqSkQxFEmS61U66

Seminar uchun joy cheklangan,  faqat taklifnoma bilan kirish mumkin.  Tadbir tashkilotchilari ro‘yxatdan o‘tgan ishtirokchilar bilan bog‘lanadi.