IT Recruiting kursining ikkinchi toʻlqiniga arizalar qabuli boshlandi

Bepul IT Recruiting kursining ikkinchi toʻlqiniga arizalar qabuli allaqachon boshlandi. Kursni Rossiya va Sharqiy Yevropadagi yetakchi xedxanterlardan biri Alena Vladimirskaya va Oʻzbekiston IT hamjamiyati rahbari Shavkat Karimov olib boradilar.

Dastur ishtirokchilari birinchi haftadan boshlab amaliy ishlarga kirisha boshlaydilar, yirik IT-kompaniyalardagi mavjud boʻsh ish oʻrinlarini toʻldirishni va soha mutaxassislari bilan suhbatlar oʻtkazishni oʻrganadilar.

IT Recruiting kursining afzalliklari:

• bepul taʼlim;
• dam olish kunlari Toshkent shahridagi IT Park ofisida moslashuvchan oʻquv jadvali asosida oʻtkaziladigan onlayn va oflayn darslar;
• taʼlimning birinchi haftasidan boshlab yirik IT-korporatsiyalardagi haqiqiy vakansiyalar ustida ishlash;
• Oʻzbekiston IT-hamjamiyati mutaxassislari bilan amaliy suhbatlar oʻtkazish.

Nomzodlar uchun talablar:

• Ingliz tilini B2 yoki undan yuqori daraja mukammal bilish.
• Samarali muloqot uchun rus tilini mukammal bilish.
• Kurs uchun haftasiga 16 soat vaqt ajrata olish imkoniyati (yakshanba kunlari 4 soatlik mashgʻulotlar, 6 soatlik onlayn nazariya va 6 soatlik amaliyot).
• IT sohasida har qanday tajribaga (taʼlim, ish yoki startap tajribasi) ega boʻlgan va hozirda oyiga $500 dan kam daromad topadigan yoki hech qanday daromadga ega boʻlmagan shaxslarga ustunlik beriladi.

Nomzodlar oʻzlarining rezyumelari va kursga boʻlgan qiziqishlari va nima sababdan ushbu kurs ular uchun muhimligini batafsil bayon etuvchi xatni ilova qilgan holda ariza topshirishlari kerak. Shundan soʻng, Zoom orqali suhbat oʻtkaziladi va belgilangan tanlov mezonlariga javob beradigan nomzodlar oʻquv dasturiga qabul qilinadi.

Oʻqishni tugatgandan soʻng, yakuniy imtihondan muvaffaqiyatli oʻtgan talabalar sertifikat bilan taqdirlanadilar, shuningdek, oyiga $700 dan boshlanadigan maosh bilan ishga joylashishlari mumkin boʻladi.

Dastur 19-noyabrda boshlanadi. Hujjatlar 16-noyabrga qadar quyidagi havola orqali qabul qilinadi: https://ittop.uz/