“MGovAward”: ro‘yxatdan o‘tish boshlandi!

“mGovAward 2021”da ishtirok etish uchun arizalarni qabul qilish boshlanganini e’lon qilamiz.

“MGovAward 2021” keng koʻlamli respublika tanlovi boʻlib, unda ishtirokchilar 8 ta yoʻnalishdan biri boʻyicha mobil ilovani ishlab chiqishi kerak:

1. Ta’lim;

2. Sog‘liqni saqlash;

3. Turizm;

4. Transport va logistika;

5. Tadbirkorlik;

6. Ekologiya va toza energiya;

7. Moliya va soliqlar;

8. Qonunchilik.

Musobaqaning mukofot jamg‘armasi $100 000 tashkil etadi, bunda:

1-o‘rin – $50 000;

2-o‘rin - $30 000;

3-o‘rin – $20 000.

Ishtirok etish qoidalari:

- jamoadagi ishtirokchilarning minimal soni 3 ta;

- 1 ta loyiha turli toifalarda ishtirok eta olmaydi;

- tanlovning oldingi to‘lqinlarida taqdim etilgan loyihalar faqat katta yangilanishlar/takomillashtirishlar taqdim etilgan va asoslantirilgan taqdirdagina ko‘rib chiqiladi;

- taqdim etilgan ilova to‘liq funktsional bo‘lishi kerak.

Qanday qilib ishtirokchi boʻlish mumkin:

- jamoani yig‘ish;

- http://mgovaward.uz platformasida ro‘yxatdan o‘tish;

- yo‘nalishni tanlash;

- ilova haqida video taqdim etish (3 daqiqadan ko‘p bo‘lmagan);

- ilovani fayl sifatida taqdim etish.

Muddati:

- 2022-yil 20-yanvardan 1-fevralgacha tanlov doirasida O‘zbekistonning barcha hududlarida talabalar bilan uchrashuvlar;

- mobil aloqani rivojlantirishning eng muhim yo‘nalishlari bo‘yicha kurslar va seminarlar - 2022-yil 6-fevraldan 28-fevralgacha;

- arizalarni qabul qilishning oxirgi kuni - 28-fevral 2022-yil.

Sovrin uchun kurashib, davlat va jamiyat uchun foydali mahsulotni realizatsiya qilish imkoniyatini boy bermang.

Muhim:

Saytni yuklash uzoq vaqt talab qilishi mumkin.  Saytga kompyuter yoki noutbuk orqali kirish tavsiya etiladi.

Eslatib o‘tamiz, loyihaning rasmiy ishga tushirilishi 2021-yilning 11-dekabrida bo‘lib o‘tdi.  Tanlov tashkilotchilari: IT Park, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, BAA hukumati, shuningdek, O‘zbekiston Respublikasi Investitsiyalar va tashqi savdo vazirligi.