O‘zbek startapi kpi.com va FAI “LEAP 2025” doirasida hamkorlik memorandumini imzoladi

Xalqaro “LEAP 2025” texnologiya ko‘rgazmasi doirasida hisoblarni boshqarish va soliq hisobi uchun bulutli yechimlarning yetakchi provayderi “FAI” hamda IT Park Uzbekistan rezidenti bo‘lgan, sun’iy intellektga asoslangan biznesni boshqarish platformasi “kpi.com” o‘rtasida hamkorlik memorandumi imzolandi. Ushbu hamkorlik Saudiya Arabistoni bozoriga kirishda jarayonlarni avtomatlashtirish va mamlakatning soliq talablariga rioya qilish orqali biznes yuritishni soddalashtirish maqsadiga qaratilgan.

Biznes uchun muvofiqlik va avtomatlashtirish

Saudiya Arabistonida 2018-yilda QQS joriy etilgani va 2020-yilda 15 foizga ko‘tarilganidan beri soliq hisobiga qo‘yiladigan talablar kuchaytirildi. Biznes raqamli qaydlarni yuritishi, deklaratsiyalarni o‘z vaqtida topshirishi va hisobot berishning belgilangan muddatlariga rioya qilishi lozim.

“FAI”ning mahalliy me’yoriy talablar sohasidagi chuqur tajribasiga tayanib, kompaniyalar “ZATCA” (Zakot, soliq va bojxona nazorati boshqarmasi) va “FATOORA” (elektron hisob-kitoblar milliy tizimi) standartlariga oson moslasha oladi. O‘z navbatida, “kpi.com” sun’iy intellekt yechimlari buxgalteriya hisobi, xodimlarni boshqarish, CRM va inventarizatsiya kabi asosiy biznes jarayonlarini avtomatlashtirish imkonini beradi.

“Ushbu hamkorlik mijozlarimiz uchun biznes jarayonlarini soddalashtirish vazifamizda muhim bosqich bo‘ladi. Kpi.com bilan kuchlarni birlashtirib, biz nafaqat samaradorlikni oshiradigan, balki Saudiya Arabistoni soliq talablariga to‘liq muvofiqligini ta’minlaydigan keng qamrovli yechimni taqdim etamiz,” — dedi “FAI” asoschisi va bosh direktori Jassim Alharun.

“kpi.com” bosh direktori Muzaffar Karabaev qo‘shimcha qildi: “FAI bilan strategik hamkorligimiz Saudiya Arabistonidagi mijozlar uchun yangi imkoniyatlar ochadi. Biz sun’iy intellekt tizimi va asosiy modullarni, jumladan, ilg‘or buxgalteriya hisobini rivojlantirishda davom etar ekanmiz, ‘FAI’ biznesga ‘ZATCA’, ‘FATOORA’ va boshqa tartibga soluvchi organlar talablariga javob berishda yordam berish orqali ishonchli muvofiqlik hamkoriga aylanadi.”

 

Hamkorlikning asosiy afzalliklari

• Sun’iy intellekt avtomatlashtirishi — ish jarayonlarini optimallashtirish va qimmatli tahlillarni olish;
• Kafolatlangan muvofiqlik — Saudiya Arabistonida QQS va zakot talablariga to‘liq javob berish;
• Integratsiyalashgan yechimlar — buxgalteriya hisobi, xodimlarni boshqarish, CRM va boshqa biznes funksiyalari uchun yagona platforma;
• Ma’lumotlarni himoya qilish — moliyaviy ma’lumotlarni himoya qilish uchun ishonchli kiberxavfsizlik vositalari.

Raqamli transformatsiya kelajagi

“FAI” va “kpi.com” o‘rtasida memorandum imzolanishi mintaqada biznesning raqamli rivojlanishi yo‘lidagi muhim qadamdir. Qo‘shma texnologiyalar korxonalarga nafaqat ma’muriy vazifalarni soddalashtirish, balki rivojlanish va kengayishga e’tibor qaratish imkonini beradi. Yaqin kelajakda hamkorlar biznes operatsiyalarining maksimal samaradorligini ta’minlaydigan bir qator integratsiya yechimlarini ishga tushirishni rejalashtirmoqda.

FAI kompaniyasi haqida

“FAI” — Saudiya Arabistonidagi moliyaviy jarayonlarni avtomatlashtirish bo‘yicha yetakchi platforma. Kompaniya kichik, o‘rta va yirik korxonalarga qo‘l mehnatini kamaytirish va hisobotlarning aniqligini oshirish orqali soliq hisobi, buxgalteriya va moliyaviy boshqaruvni soddalashtirishga yordam beradi. “FAI” mahalliy tartibga soluvchi organlar bilan integratsiyalashgan va 6000 dan ortiq mijozni qo‘llab-quvvatlaydi.

kpi.com kompaniyasi haqida

“kpi.com” — buxgalteriya hisobi, HR, CRM, loyiha boshqaruvi va boshqa asosiy yo‘nalishlarni qamrab oluvchi biznesni boshqarish uchun bulutli sun’iy intellekt platformasi. Kompaniya 2008-yildan beri faoliyat yuritadi va 50 dan ortiq mamlakatda 10 000 dan ortiq mijozga xizmat ko‘rsatadi.