O‘zbekiston venchur fondlari va kompaniyalari bilan Plug and Play uchrashuvlari natijalari

20–25-iyul kunlari O‘zbekistonda Plug&Play Germany boshqaruvchi direktori Sasha Karimpur va korporativ hamkorlik bo‘yicha menejeri Feliks Lammers amaliy tashrif bilan bo‘ldilar.  Safar davomida ular o‘zbekistonlik hamkasblari bilan bir qator uchrashuvlar o‘tkazdilar.

Shunday qilib, 21-iyul kuni Plug&Play Germany xodimlari Olmaliq kon-metallurgiya kombinati boshqaruvi raisining raqamli texnologiyalar bo‘yicha o‘rinbosari Abdulla Azizov, IT Park Uzbekistan startap ekotizimini rivojlantirish boʻlimi boshlig‘i Farrux Maksumov va loyiha menejeri Zaynab Atabayeva bilan uchrashdilar.

Uchrashuvda Plug&Play, IT Park va AKMK vakillari O‘zbekistondagi yangi Plug&Play ofisida startap ekotizimini barpo etishda hamkorlikning mumkin bo‘lgan yo‘nalishlarini muhokama qildilar.

22-iyul kuni kompaniya mutaxassislari UzVC Milliy venchur fondi bosh direktori Dilshod Xashimov va katta maslahatchi Alisher Shayxov bilan uchrashdilar.

Tomonlar so‘nggi yillarda O‘zbekiston IT sohasida ro‘y bergan o‘zgarishlar yuzasidan fikr almashdilar, shuningdek, O‘zbekistonda IT-startaplarni qo‘llab-quvvatlash uchun investitsiyalarni jalb qilish mexanizmlarini ishlab chiqish bo‘yicha hamkorlik imkoniyatlarini ko‘rib chiqdilar.

Shu kuni Plug&Play vakillari UZCARD Ventures ofisiga tashrif buyurib, u yerda boshqaruvchi hamkor Farhod Muxitdinov va Oʻzbek fintex akseleratorining korporativ innovatsiyalar bo‘limi rahbari Diyora Xalilova bilan uchrashdilar.

Xorijlik mehmonlar o‘zbekistonlik hamkasblari bilan O‘zbekiston startaplariga birgalikda sarmoya kiritish imkoniyatlarini muhokama qilishdi.  Bundan tashqari, tashrif chog‘ida Plug&Play vakillari hamkasblariga O‘zbekistonda oʻz ofisining ochilish marosimi joriy yilning kuziga mo‘ljallanganligini aytishdi.  Ishga tushirilgandan soʻng eng istiqbolli startap loyihalari tanlab olinadi, ular akseleratsiya dasturlarida ishtirok etish va yirik korporatsiyalar bilan aloqalarni oʻrnatish orqali ularning oʻsishiga yordam beradi.

Bundan tashqari, Sasha Karimpur va Feliks Lammers O‘zbekistondagi Sturgeon Capital hamkori Alijon Ravshanov bilan uchrashuv oʻtkazdilar. Tomonlar bugungi kunda startap-industriyada qanday ijobiy o‘zgarishlar ro‘y berayotgani va bu respublika rivoji uchun nima uchun muhim ekani haqida fikr almashdilar. Uchrashuvda qayd etilganidek, O‘zbekistonda so‘nggi yillarda kuzatilayotgan IT-sanoatining jadal rivojlanishi startaplar bilan uzviy bog‘liq.

Kun yakunida navbatdagi uchrashuv – Gross Insurance kompaniyasining sayohat sug‘urtasi va internet savdosi direktori Hikmat Hidoyatov bilan bo‘lib o‘tdi.  Tomonlar taʼkidlaganidek, sugʻurta sohasida IT-loyihalarni joriy etish boshqa mamlakatlarga nisbatan hali ham nisbatan yangi, biroq tez orada bu amaliyot yanada dolzarb boʻlib qoladi, chunki sugʻurta biznesiga IT-texnologiyalarni joriy etishning ahamiyati endilikda barcha manfaatdor tomonlar tomonidan eʼtirof etilgan.

Malumot uchun: “Plug&Play” – bu startaplar, korporatsiyalar, venchur kapital firmalari, universitetlar va davlat idoralarini birlashtiradigan yetakchi innovatsion platforma. Kompaniya beshta qitʼada 40 dan ortiq joyda faoliyat yuritadi va shtab-kvartirasi Silikon vodiysida joylashgan. “Plug&Play” korporativ innovatsion dasturlarni taklif qiladi va korporativ hamkorlarga innovatsion sayohatlarining har bir bosqichida, oʻrganishdan tortib amalga oshirishgacha yordam beradi. Shuningdek, ular startap akseleratorlarini boshqaradilar va tarmoqlar boʻylab innovatsiyalar yaratish uchun oʻzlarining venchur kapital fondlarini tashkil qiladilar, ular Dropbox, Guardant Health, Honey, Lending Club, N26, PayPal va Rappi kabi 1000 dan ortiq muvaffaqiyatli kompaniyalarga sarmoya kiritdilar.