Ostinda BPO kompaniyalari uchun IT-konferensiya boʻlib oʻtadi

Oʻzbekiston Respublikasi Raqamli texnologiyalar vazirligi va IT Park AQShning BPO kompaniyalarini 18-sentabr kuni Texas shtatining Ostin shahrida boʻlib oʻtadigan IT-konferensiyasida ishtirok etishga taklif etadi.

Tadbirda Oʻzbekiston raqamli texnologiyalar vaziri Sherzod Shermatov, IT Park Uzbekistan bosh direktori Farhod Ibragimov va mamlakat IT-hamjamiyati vakillari ishtirok etadi.

Konferensiyadan koʻzlangan maqsad AQShda biznes jarayonlari autsorsingi (BPO) va IT-autsorsing bilan shugʻullanuvchi kompaniyalar bilan hamkorlik aloqalarini oʻrnatishdan iborat.

Konferensiyada yetakchi IT-autsorsing va BPO kompaniyalari, soha mutaxassislari, tadbirkorlar va tadqiqotchilar qatnashadi. Ishtirokchilarga Oʻzbekistondagi IT-sanoati va AQSh kompaniyalari uchun salohiyatli autsorsing imkoniyatlari haqida batafsil maʼlumotlar taqdim etiladi.

Bundan tashqari, tashrif buyuruvchilarni IT Park rahbariyati va rezident kompaniyalari, shuningdek, boshqa kompaniyalar vakillari bilan B2B uchrashuvlari kutmoqda.

Tadbir oʻtkaziladigan joy: Omni Austin Hotel Downtown

Manzil: USA, 700 San Jacinto, E 8th St At, Austin, TX 78701

Ishtirok etishni tasdiqlash uchun quyidagi shaklni toʻldiring:

https://forms.office.com/r/DV33bxyJU5

Tadbir dasturi:

10:30-11:00 — Ishtirokchilarni roʻyxatga olish

11:00-11:05 — Oʻzbekiston haqida video

11:05-11:20 — Raqamli texnologiyalar vazirining kirish soʻzi

11:20-11:40 — IT Park Uzbekistan kirish nutqi va taqdimoti

11:40-12:30 — IT Park rezident kompaniyalari taqdimotlari

12:30-13:00 — Kofe-breyk

13:00-13:30 – Oʻzbekistonda ishlash tajribasi toʻgʻrisida platformalarni tanlash boʻyicha mutaxassislarning taqdimotlari

13:30-14:00 — Muvaffaqiyatlar tarixi taqdimotlari

14:00-14:30 — Yopilish marosimi