Oyiga $1000: robototexnika boʻyicha xalqaro musobaqalar gʻolibining muvaffaqiyati

Navoiy viloyatidan Suxrob Haydarovning hikoyasi ko‘plab g‘alaba va yutuqlari bilan hayratda qoldirmoqda.

Suxrob 18 yoshda va hozir Toshkentda yashaydi.  U 14-15 yoshida IT sohasiga qiziqa boshlagan. Qahramonning xotiralariga koʻra, ilhom manbai imkoniyatlar, karyera oʻsishi va sanoat istiqbollari haqida hikoya qiluvchi reklama videosi edi. Keyin u qaror qildi: IT kelajak kasbi va bu sohada yaxshi pul ishlashingiz mumkin ekan-ki, demak u yerga borish kerak.

“Men bu sohadagi ilk qadamlarimni 2018-yilda qo‘yganman.  Aytish mumkinki, men darhol tushundim: IT – bu mening hayotim va men oʻz kasbimni tanlashda toʻgʻri tanlov qilganimdan xursandman.

Suxrob boshidanoq robototexnikaga qiziqish bildirgan, biroq bu yoʻnalishda mentor topish oson bo‘lmagani uchun turli onlayn platformalar tufayli yo‘nalishni mustaqil o‘zlashtirishga qaror qilgan.

“Keyin biz yengishimiz kerak boʻlgan boshqa qiyinchiliklar ham bor edi. Masalan, zapchastlar va detallar bilan bogʻliq muammolar mavjud edi.  Biz ularni boshqa mamlakatlardan buyurtma qildik va baʼzida ular bizga yetib borguncha 90 kungacha kutishimiz kerak edi”.

Yaxshiyamki, bu qiyinchiliklar faqat xotiralarda qoldi va endi siz detallarni sotib olishingiz mumkin boʻlgan doʻkonlar, ushbu yoʻnalishni oʻrgatadigan oʻquv markazlari va uni oʻrgatadigan murabbiylar mavjud.

Hozirda ana shunday o‘qituvchilardan biri boʻlib Suxrob ishlamoqda – u IT Park Toshkent filialida robototexnika bo‘yicha mentor. U avtonom va teleportatsiya qiluvchi robotlar uchun dasturlarni tuzadi. 

“O‘qituvchilik faoliyatim davomida, yaʼni 16 yoshimdan beri dars berganman, 300-400 dan ortiq oʻquvchilarim bor.  Men bolalarga ham, kattalarga ham dars berishni yaxshi koʻraman. Mening shogirdlarim 7 yoshdan 30 yoshgacha boʻlgan odamlardir. Ular elektronika, dasturlash, konstruksiyalash va boshqalarni o‘rganmoqdalar”.

Suxrob robototexnika bo‘yicha 6 karra xalqaro musobaqalar g‘olibi.  Uning g‘alabalari orasida: Robofest Russia (3-o‘rin), Robobrain Serbia (2-o‘rin), Youth Techno Art Tashkent (1-o‘rin), Roboday Bulgaria online (1-o‘rin), Kazrobofest online (1-o‘rin), WRO Hungary-Asian (1-o‘rin), World skills (3-oʻrin).

12-oktabr kuni Fransiyaning Bordo shahrida “WorldSkills International”  46-jahon chempionati bo‘lib o‘tadi, unda IT Park jamoasi – Suxrob ham ishtirok etadigan O‘zbekiston terma jamoasi ishtirok etadi.

Oʻz ishiga boʻlgan muhabbat, mehnatsevarlik va qiyinchiliklarni yengib o‘tishdagi mardlik o‘z samarasini berdi: bugun Suxrob oyiga 1000 dollardan koʻproq maosh oladi. Qahramonimiz yosh boʻlishiga qaramay, agar xohlasa, imkonsiz narsa yoʻqligini isbotlaydi.