Poytaxtda chakana va onlayn savdo mavzusida PLUS-Forum boʻlib oʻtadi

22-23 noyabr kunlari Tashkent International Hotel mehmonxonasida Retail Central Asia xalqaro PLUS-Forumi boʻlib oʻtadi.

Forum MDH, Markaziy Osiyo va uzoq xorij mamlakatlarida chakana sanoat va onlayn savdoni rivojlantirish masalalariga bagʻishlanadi.

Tadbir davomida chakana savdo sohasidagi xalqaro ekspertlar oʻz amaliyotlari asosida loyihalar va keyslarni muvaffaqiyatli amalga oshirish tajribalari bilan oʻrtoqlashadilar. Bundan tashqari, ular Oʻzbekiston va Markaziy Osiyo mamlakatlari ishbilarmon doiralari oldida turgan vazifalar uchun yechimlar taklif etadi.

Forum maʼruzachilari orasida Oʻzbekiston raqamli texnologiyalar vaziri Sherzod Shermatov, Savdo-sanoat palatasi raisi Davron Vahobov, xalqaro ekspert Maykl Rakman, Design Thinkers boshqaruvchi hamkori Pedro Janeyro va boshqalar bor.

IT Park rezidentlari forumda maxsus narxda ishtirok etishlari mumkin — 350 yevro (50% chegirma). Ushbu narxga barcha tadbirlarda (konferensiya, davra suhbatlari, koʻrgazma) ishtirok etish, ovqatlanish, PLUS-Forumining kechki qabulida qatnashish, axborot materiallari va yetakchi maʼruzachilarning taqdimotlaridan foydalanish kiradi.

Tafsilotlarni bilib olish va roʻyxatdan oʻtish uchun quyidagi saytga kiring: https://rca.plus-forum.com/

Qoʻshimcha maʼlumot: +998 99 1109146