President Tech Award: Demo Day’da o‘z startaplarini taqdim etadigan jamoalar aniqlandi

“Plug and Play” mutaxassislari umumiy mukofot jamg‘armasi $1 million bo‘lgan “President Tech Award” tanlovida ishtirok etishda davom etadigan jamoalarni saralab oldi.  

Hakamlar hay’ati startaplarni har bir yo‘nalish bo‘yicha 10 balli tizimda baholadi, so‘ngra ballar mezonning ahamiyatlilik koeffitsientiga ko‘paytirildi. O‘rtacha ball startapning yakuniy natijasini aniqladi.

Tanlov natijalariga ko‘ra beshta yo‘nalishning har birida 10 tadan eng yaxshi 50 ta jamoa aniqlandi (jamoalar ro‘yxati quyida keltirilgan). Bu jamoalar o‘z startaplarini “Plug and Play”, “Global Venture ZF Group”, “Microsoft for Startups”, “Unicorn Next”, “iDos Games”, “Yu Capital”, “USC Ex-Epic Games”, “Microsoft & Amazon”, “Nomadic Minds” va “Google” mutaxassislari oldida namoyish kunida taqdim etadilar.

Demo Day kunidan oldin 50 nafar finalchi uchun ularni yakuniy taqdimotga tayyorlash bo‘yicha “Plug and Play” ekspertlari ishtirokida seminar tashkil etiladi.

Yakuniy bosqich – Demo Day – 23-24 noyabr kunlari Raqamli texnologiyalar vazirligining majlislar zalida bo‘lib o‘tadi:

• 23-noyabr kuni barcha beshta yo‘nalish bo‘yicha taqdimotlar bo‘lib o‘tadi, unda salohiyatli g‘oliblar aniqlanadi;
• 24-noyabr kuni taklif etilgan ekspertlarning chiqishlari va jamoalarning yakuniy taqdimotlari bo‘lib o'tadi.

Tanlovdan o‘tmagan jamoalar “Plug and Play” ekspertlaridan startaplarini yaxshilash imkoniyatini beruvchi  fikr-mulohazalarni olish imkoniga ega bo‘lishadi.