ProQuality mobil veb-avtomatlashtirish boʻyicha onlayn uchrashuv oʻtkazadi

22-iyun kuni soat 12:00 da (Toshkent vaqti bilan) “Mobile Web Automation — Doing Things the Right Way” mavzusida onlayn mitap bo‘lib o‘tadi.

Tadbir spikeri EPAMʼning dasturiy ta’minot testlarini avtomatlashtirish bo‘yicha yetakchi muhandisi Sergey Dubovik bo‘ladi, u mobil veb-avtomatlashtirish sohasida katta tajribaga ega va mitapda o‘z bilimlari va amaliy ko‘nikmalari bilan boʻlishadi.

Uchrashuv mobil veb-avtomatlashtirish mavzusiga va ushbu jarayonga to‘g‘ri yondashishga bagʻishlanadi. Ishtirokchilar mobil veb-avtomatlashtirish boʻyicha ilg‘or amaliyotlar haqida qimmatli bilimlarga ega bo‘ladilar hamda hamkasblar bilan muloqot qilish, tajriba almashish va soha mutaxassislariga savollar berish imkoniyatiga ega bo‘ladilar.

Mitapda qatnashish IT bilan shugʻullanadigan muhandislar va mutaxassislar uchun foydali boʻladi, chunki bu ularga hamfikrlar bilan muloqot qilish, sifatni ta’minlashning so‘nggi tendensiyalar va yutuqlaridan xabardor bo‘lish hamda dasturiy ta’minot va IT yechimlarining umumiy sifatini yaxshilash uchun hamkorlik qilish imkonini beradi.

Havola orqali roʻyxatdan oʻtish: https://epa.ms/MOB-Web-Tg-ITparkUZ 

ProQualityʼga qoʻshiling va mobil veb-avtomatlashtirishni qanday qilib toʻgʻri bajarishni bilib oling!

ProQuality – bu dasturiy taʼminotni ishlab chiqish, test va tegishli sohalarda yuqori sifat standartlarini taʼminlashga qiziqqan mutaxassislarni birlashtirgan hamjamiyat.

Hamjamiyat IT sohasida sifat amaliyotini targʻib qilish va takomillashtirishga qaratilgan turli tadbirlar hamda resurslarni taklif etadi. Bunga bilim almashish, muloqot qilish va muhokama qilish imkoniyatlari, seminarlar, konferensiyalar va onlayn forumlar kiradi, u yerda ishtirokchilar gʻoyalar, ilgʻor tajribalar va soha gʻoyalari bilan almashishlari mumkin boʻladi.