“Raya CX” BPO-kompaniyasi vakillari bilan uchrashuv

2023-yilning 6-iyul kuni IT-Park shtab-kvartirasi va Raqamli texnologiyalar vazirligining yangi binosida “Raya CX” BPO-kompaniyasi vakillari bilan uchrashuv bo‘lib o‘tdi.

Uchrashuvning asosiy maqsadi BPO sektori va IT-autsorsingni rivojlantirish imkoniyatlari va istiqbollarini muhokama qilishdan  iborat.

Uchrashuvda Raya CX kompaniyasining asosiy vakillari, jumladan bosh direktor Ahmad Aboulez, shuningdek bosh investitsiyalar va investorlar bilan aloqalar bo‘limi Karim Saudi ishtirok etdi.

Mehmonlarga O‘zbekistonning ushbu sohalardagi afzalliklarini ko‘rsatuvchi ma’lumotlar va statistik ma’lumotlar taqdim etildi. Shuningdek, mamlakatda ingliz tilida so‘zlashuvchi yuqori malakali mutaxassislar mavjudligi, shuningdek, faoliyati IT Park tomonidan qo‘llab-quvvatlanadigan kompaniyalarga alohida e’tibor qaratildi.

Taqdimotning muhim jihatlaridan biri O‘zbekistonda o‘z vakolatxonalarini ochishdan manfaatdor bo‘lgan xorijiy kompaniyalarga berilgan imtiyoz va yengilliklar bo‘ldi. “Raya CX” kompaniyasi O‘zbekiston bozoriga qiziqish bildirar ekan, bu mamlakatda ilgari tajribaga ega emasligini ta’kidladi. Ular O‘zbekiston salohiyatini yanada chuqurroq o‘rganib, ushbu mintaqada o‘z biznesini yanada rivojlantirish imkoniyatlarini ko‘rib chiqishni rejalashtirayotganini bildirib o‘tdi.

Muloqot chog‘ida tomonlar xorijiy investorlarni jalb etish va qo‘llab-quvvatlash borasida O‘zbekiston tomonidan ochiq va konstruktiv muloqot muhimligini ta’kidladilar.

Shuningdek, mehmonlarga Digital Leadership Forum haqida batafsil ma’lumot berildi. Tomonlar forum doirasida o‘tkaziladigan tadbirlar, shuningdek, uning O‘zbekistonda IT-industriyasini rivojlantirishdagi ahamiyatini muhokama qildilar.

Ta’kidlash joizki, tadbirning ko‘lami va tashkil etilishi Raya CX vakillarida ijobiy taassurot uyg‘otdi. Ular O‘zbekiston tomonidan  IT-kompaniyalarning yuqori darajada qo‘llab-quvvatlanayotganini e’tirof etdilar.

Ma’lumot uchun:

Raya CX (Raya Customer Experience) yuqori darajadagi mijozlar tajribasini taqdim etishga  mo‘ljallangan xalqaro kompaniyadir. U aloqa markazlari, virtual yordamchilar, autsorsing va konsalting kabi mijozlarga xizmat ko‘rsatishning keng tarmoqlarini taqdim etadi.