SABAH.lab akseleratsiya dasturi uchun arizalar qabul qilinmoqda

SABAH.lab akseleratsiya dasturining 5-toʻlqini uchun arizalar qabuli boshlandi. Bu besh oylik dastur boʻlib, MVP (Minimal hayotiy mahsulot) bosqichidagi startaplarni ishlab chiqish va investitsiyaga tayyorlash yoʻnalishlarida koʻmaklashadi.

Ishtirokchilarga startaplarga yoʻnaltirilgan oʻquv mashgʻulotlari va seminarlar, mahalliy va xalqaro mentorlar bilan ishlash; marketing va UX/UI, IT-konsalting sohasida qoʻllab-quvvatlash imkoniyatlari taqdim etiladi.

Dasturda ishtirok etish uchun MVP va jamoa boʻlishi talab qilinadi. Gʻoya bosqichidagi jamoasiz arizalar koʻrib chiqilmaydi.

Nomzodlarga qoʻyiladigan talablar:

• “Pitch Deck” yordamida gʻoyalar taqdimoti;
• “Business Projection” orqali moliyaviy prognozni taqdim etish;
• startapingizni tushuntiruvchi videorolik (maksimal 3 daqiqa);
• xalqaro mentorlar va investorlar bilan erkin muloqot qilish uchun startap asoschisi va bir nechta jamoa aʼzolari uchun ingliz tilini bilish.

Dastur yakunlangach, eng yaxshi startaplar SABAH.HUB tomonidan $100 000 miqdoridagi minimal sarmoyalarga ega boʻlishadi.

Arizalar 22-oktyabrgacha (23:59) faqat ingliz tilida ushbu havola orqali qabul qilinadi: http://bit.ly/RegisterAcceleration

Dasturda ishtirok etish uchun joylar soni cheklangan. Axborot hamkori — IT Park.