“Tech Internship 2023” dasturi uchun arizalar qabuli ochiq!
Har qanday sohaning poydevorini ishonchli tarzda yuqori malakali kadrlar deb atash mumkin, ularni yaratish kuchli taʼlim bazasini talab qiladi. Buning uchun IT Park katta kuch va resurslarni sarflab, yosh talabalar uchun tobora koʻproq imkoniyatlar ochmoqda. Bugun biz OneApp (stajirovka qidirish platformasi) kompaniyasi bilan hamkorlikda yangi IT Park Uzbekistan dasturi – “Tech Internship 2023”ni faxr bilan taqdim etmoqchimiz!
Tech Internship 2023 – bu universitet talabalari va yaqinda bitirgan talabalarga texnologiya sohasida amaliy ish tajribasini taqdim etishga qaratilgan amaliyot dasturi. Dasturning maqsadi – ishtirokchilarning koʻnikmalarini rivojlantirish hamda ularga mentorlik va muloqot qilish imkoniyatlarini taqdim etish orqali texnologiya sohasida muvaffaqiyatli karyeraga tayyorlashdan iborat.
Kompyuter fanlari, muhandislik yoki tegishli sohalarda diplomga ega universitetni yaqinda tamomlagan bitiruvchilar yoki talabalar ishtirokchi boʻlishlari mumkin. Ariza beruvchilar texnologiyaga boʻlgan ishtiyoqni hamda oʻqish va rivojlanish istagini namoyish etishlari kerak.
Dastur 30 kunga moʻljallangan – 1-apreldan 30-aprelgacha. Amaliyot davomida ishtirokchilar o‘zlarining texnik va kasbiy ko‘nikmalarini rivojlantirish imkonini beruvchi real loyiha va vazifalar ustida ishlaydilar, ularga qo‘llab-quvvatlovchi mentorlar tayinlanadi.
Amaliyotchilar dastur davomida oʻz ishlari uchun kompensatsiya oladilar, u har oylik stipendiya va ish natijaga qarab bonuslardan iborat bo‘ladi. Shuningdek, ular tarmoq tadbirlari, sanoat konferentsiyalari hamda texnologiya mutaxassislari va potentsial ish beruvchilar bilan aloqa oʻrnatish uchun boshqa imkoniyatlarga ega boʻladilar.
Dasturni tamomlagandan soʻng, amaliyotchilarga qatnashganlari uchun sertifikatlar beriladi, ular uni oʻz portfoliosiga qoʻshishlari mumkin boʻladi.
Arizani quyidagi havola orqali yuborishingiz mumkin:
Arizalar doimiy ravishda koʻrib chiqiladi va tanlangan nomzodlar suhbatga taklif qilinadi.
“Tech Internship 2023” xilma-xillik va inklyuzivlikka intiladi hamda har qanday kelib chiqishi va oʻziga xosligi boʻlgan nomzodlarning arizalarini ragʻbatlantiradi. Dastur barcha ishtirokchilar uchun xavfsiz va qulay muhitni taʼminlaydi.
2023-03-07