Yosh mutaxassislarga xalqaro IT-sertifikatlar narxining 50 foizigacha kompensatsiya beriladi

IT Park AKT vazirligi ko‘magida xalqaro IT sertifikatini olishga sarflangan mablag‘ning 50 foizigacha kompensatsiya olish mumkin bo‘lgan dasturni ishga tushirdi.

Bu haqda Axborot va ommaviy kommunikatsiyalar agentligida (https://www.youtube.com/watch?v=47Lx-AKUK-E ) bo‘lib o‘tgan brifingda IT Park reklama va jamoatchilik bilan aloqalar bo‘limi boshlig‘i Jamila Xalibayeva ma’lum qildi.

Dastur IT-mutaxassislarga xalqaro sertifikat olishga ketgan mablag‘ning 50 foizigacha kompensatsiya taqdim etadi.

Buning uchun nimalar zarur?

• Ariza beruvchi 14 yoshdan 30 yoshgacha bo‘lgan O‘zbekiston Respublikasi fuqarosi bo‘lishi;

www.my.gov.uz  elektron portalida onlayn ariza to‘ldirish;

• zarur hujjatlarni ilova qilish (xarajat to‘g‘risidagi kvitansiya nusxasi, IT-sertifikat nusxasi);

• agar ariza beruvchi 16 yoshga to‘lmagan bo‘lsa, arizani to‘ldirishda ota-onalar/vasiylar ma’lumotlarini ko'rsatish lozim;

• Qaytariladigan xalqaro IT sertifikatlari ro‘yxati bilan tanishish uchun: https://it-istedod.uz/ru/#certificates .

Kompensatsiyani qo‘lga kiritish uchun sertifikat olingan kundan boshlab 180 kundan kechiktirmasdan ariza topshirish lozim.

Ariza topshirish uchun: https://my.gov.uz/uz/service/622 .

2022-07-08