IT-Park Gruziyaning Future Laboratory kompaniyasi bilan memorandum imzoladi

16-oktabr kuni IT-Parkda, Future Laboratory nomidan uning taʼsischisi Irakli Kashibadze bilan oʻzaro anglashuv memorandumi imzolandi.

Ushbu memorandum doirasida tomonlar hamkorlik uchun quyidagi yoʻnalishlarni belgilab oldilar:

• dasturiy mahsulotlarni birgalikda ishlab chiqishda, axborot texnologiyalari sohasida xizmatlarning har xil turlari va shakllarini rivojlantirishda koʻmaklashish;
• biznes-inkubatorlarni, startaplarni qoʻllab-quvvatlash uchun akseleratorlar va kovorkinglarni yaratish va rivojlantirish boʻyicha tajriba almashish, shuningdek, startaplarni venchur moliyalashtirish;
• qoʻshma ilmiy-tadqiqot va tajriba-konstruktorlik va texnologik ishlarini amalga oshirish;
• ilmiy va boshqaruv kadrlari, shuningdek murabbiylar uchun ilmiy va professional stajirovkalarni tashkil etish;
• innovatsion loyihalar va ilmiy ishlanmalar, oʻquv dasturlari, innovatsion faoliyat natijalarini amaliyotga tatbiq etish, axborot texnologiyalari, dasturiy mahsulotlar va xizmatlar bozorini rivojlantirish yoʻnalishlari va tendentsiyalari toʻgʻrisida maʼlumot almashish;
• tomonlarning innovatsion faoliyatga bagʻishlangan konferensiyalari, koʻrgazmalari, seminarlari va boshqa tadbirlari, shuningdek startap loyihalarining Demo kunlarini tashkil etish va ularda qatnashish.

Tomonlar, shuningdek, hamkorlik shakli toʻgʻrisida ham kelishib oldilar:

• kelishilgan holda birgalikda taʼlim berishga va tanlovga oid tadbirlar, loyihalar va ishlar, ilmiy tadqiqotlar va dasturlar oʻtkazish;
• Tomonlarning manfaatlariga daxldor rejalashtirilgan tadbirlar toʻgʻrisida maʼlumot almashish;
• qoʻshma konferentsiyalar, seminarlar, treninglar oʻtkazish, Tomonlarning mintaqaviy va xalqaro tadbirlarida ishtirok etish;
• istiqbolli startap loyihalarni amalga oshirishning barcha bosqichlarida, shu jumladan investitsiyalarni jalb qilish va innovatsion mahsulotlarni ilgari surishda faol hamkorlik qilish.

Future Laboratoriya - bu 2016-yilda Irakli Kashibadze tomonidan tashkil etilgan va oxirgi 15 yil davomida Gruziyada innovatsiyalar va texnologiyalarni ishlab chiqish bilan shugʻullangan va Gruziya innovatsiyalar va texnologiyalar agentligi (GITA), Tbilisi Texnoparki, Zugdidi Texnoparki, Startup Georgia va boshqa koʻplab shu kabi loyihalarni yaratishda tashabbus koʻrsatgan kompaniyadir.