Amazon Web Services vakillari IT Park’ga tashrif buyurdi

Joriy yilning 16-may kuni Amazon Web Services EMEA SARL (AWS) kompaniyasining Markaziy Osiyoning Tijorat sektorini rivojlantirish bilan shug‘ullanuvchi vakillari -  Almas Moldakanov va Egor Myasnikov IT Park Uzbekistan ofisiga norasmiy tashrif bilan  kelishdi.

Tashrifdan ko‘zlangan maqsad ITPark faoliyati bilan yaqindan tanishish va 2-may kuni Berlinda imzolangan o‘zaro anglashuv memorandumi doirasidagi keyingi qadamlarni muhokama qilishdan iborat.

IT Park vakillari mehmonlarga O‘zbekiston hukumati tomonidan mamlakatni mintaqaviy IT-xabga aylantirish bo‘yicha amalga oshirilayotgan chora-tadbirlar, shuningdek, direksiyaning asosiy faoliyati haqida so‘zlab berdi.

Tomonlar O‘zbekiston hukumati tomonidan iqtisodiyotda axborot texnologiyalari sohasini, shuningdek, Markaziy Osiyo mintaqasining inson kapitali va salohiyatini rivojlantirish bo‘yicha ko‘mak va tashabbuslarni muhokama qildilar. AWS vakillari, shuningdek, O‘zbekistonning yosh aholisi haqida taqdim etilayotgan ma’lumotlar, ular atrofida sanoatni rivojlantirish strategiyasi amalga oshirilayotgani bilan ham tanishdi.

Mehmonlar O‘zbekistonda so‘nggi yillarda IT-sohasida ro‘y bergan ijobiy o‘zgarishlar, IT Park va rezident kompaniyalarning o‘sishi haqida ma’lumotlarni mamnuniyat bilan eshitdilar. Bundan tashqari IT Park xalqaro aloqalar bo‘limi boshlig‘i Nigora Mirjalilova yangi IT-klaster bo‘ylab ekskursiya o‘tkazdi va uni yanada rivojlantirish haqida uchrashuv mehmonlariga so’zlab berdi.

Tomonlar, shuningdek, Amazon Web Services EMEA SARL va IT Park Uzbekistan o‘rtasidagi hamkorlikni mustahkamlash bo‘yicha keyingi qadamlarni, jumladan, 2023-yil 18-mayga mo‘ljallangan rezident kompaniyalar uchun bo‘lajak tadbirni muhokama qildilar.

Eslatib oʻtamiz, Berlinda boʻlib oʻtgan Oʻzbekiston-Germaniya biznes-forumi doirasida Oʻzbekiston Respublikasi Raqamli texnologiyalar vazirligi va Amazon Web Services EMEA SARL oʻrtasida oʻzaro anglashuv memorandumi imzolangan edi.

Memorandum doirasidagi hamkorliklar bilim almashish va SI/ML taʼlimi va tadqiqotlari uchun umumiy Amazon Web Services (AWS) yoʻriqnomalarini oʻz ichiga oladi.

Bundan tashqari, “Raqamli Oʻzbekiston–2030” milliy strategiyasi hamda bulutli texnologiyalar va maʼlumotlar toʻgʻrisidagi qonun hujjatlariga oid sohaviy maslahatlashuvlar doirasida ikki tomon tajriba va ilgʻor tajriba almashadi. AWS eng yaxshi AWS global amaliyotlariga asoslangan maslahatlar, takliflar va maslahatlar beradi.