Biznes-angellar maktabiga arizalar qabuli boshlandi!

Sizda faqat 18-yanvarga qadar bepul biznes-angellar maktabiga qabul qilinish imkoniyati bor. Unda sizga mahalliy hamda xorijiy spikerlar venchur investitsiya haqida ma’lumot beradi.

Biznes angellar maktabi O‘zbekiston Respublikasining investitsiya muhitini rivojlantirishga qaratilgan. Ushbu maktab doirasida chet ellik mutaxassislarni jalb qilgan holda uch kunlik onlayn-intensiv o‘tkaziladi hamda kelgusida yanada qo‘llab-quvvatlash ko‘rsatiladi.

Dastur IT Park tomonidan Tadbirkorlik va biznes muhitini rivojlantirish bo‘yicha USAID dasturi va O‘zbekiston Venture Capital Assotsiatsiyasi bilan hamkorlikda amalga oshirilmoqda.

Loyiha vazifalari:

• venchur investitsiyalar sohasida savodxonlikni oshirish;
• investorlarni biznes-angellar faoliyati bilan tanishtirish;
• biznes-angellarga investitsiya kiritish istiqbollarini baholash imkoniyatini berish;
• investitsiya kiritish uchun startaplarni to‘g‘ri tanlashni o‘rgatish;
• xorijiy sanoat amaliyoti bilan birgalikda bozorni o‘rganishda yordam berish;
• venchur bitimlarini tuzishni o‘rgatish;
• riskni boshqarishni o‘rgatish.
   

Ma’lumot uchun:

Biznes angellari - bu turli sohalarda muvaffaqiyat qozongan va o‘z mablag‘larini hamda bilim, vaqt va tajribalarini startaplarning dastlabki rivojlanish bosqichida investisiya qilish uchun yetarlicha pul to‘plagan tadbirkorlardir.

Biznes-angellar maktabining o‘tkazilish sanalari: 20-22 yanvar.

Shuningdek, barcha xohlovchilarda qo‘shimcha ekspertiza va investitsiya maslahatlarini olish imkoniyati mavjud.

Agar siz kelajakda o‘zingizni turli xil loyihalarga investisiya kiritadigan va uning ortidan ko‘p pul ishlab topadigan muvaffaqiyatli tadbirkor sifatida tasavvur qilsangiz, unda 18-yanvarga qadar (shu kuni ham) kursga yozilishga shoshiling, sababi joylar soni cheklangan: https://docs.google.com/forms/d/e/1FAIpQLSebCMaYSZOX0QtegXz6VZOBLfgzQV77g9SoOGIzO5pVHBcDNw/viewform?usp=sf_link