Bo‘lajak IT-mutaxassislar IT Park Uzbekistan’ga tashrif buyurishdi

“Kasaba uyushmalari yoshlari — Yangi O‘zbekiston bunyodkori” Respublika forumi doirasida IT Park Uzbekistan axborot texnologiyalari sohasiga yuqori qiziqish bildirgan yoshlar delegatsiyasini qabul qildi.

Mehmonlar IT Park’ning asosiy faoliyat yo‘nalishlari, jumladan, startaplarni qo‘llab-quvvatlash, akseleratsiya dasturlari, xalqaro tashabbuslar va raqamli texnologiyalarni rivojlantirish imkoniyatlari bilan tanishdilar. Shuningdek, ishtirokchilarga joriy loyihalar va xorijiy hamkorlar bilan sheriklik haqida taqdimot ko‘rsatildi.

Rezident kompaniyalar taqdimoti va O‘zbekistonda innovatsion tadbirkorlik muhitini yaratishga hissa qo‘shayotgan IT Park ekotizimiga alohida e’tibor qaratildi.

Bunday tadbirlar yoshlarni raqamli iqtisodiyotga jalb etishga ko‘maklashadi hamda bo‘lajak mutaxassislarda innovatsiyalar va texnologiyalar orqali rivojlanishga yo‘naltirilgan tafakkurni shakllantirishga yordam beradi. IT Park Uzbekistan mamlakatning yangi avlod IT-yetakchilarini shakllantirishga qaratilgan ta’lim va ma’rifiy tashabbuslarni faol qo‘llab-quvvatlashni davom ettiradi.