DOMiNO Ventures vakillarining IT Park Uzbekistanga rasmiy tashrifi: O‘zbekiston startap ekotizimlari uchun yangi imkoniyatlar.

IT Park Uzbekistan’da DOMiNO Ventures vakillari bilan uchrashuv bo‘lib o‘tdi, bu xalqaro aloqalarni mustahkamlash va O‘zbekiston startap ekotizimini rivojlantirishda muhim voqea bo‘ldi.

Yig'ilishda DOMiNO Ventures kompaniyasining boshqaruvchi direktori Yagiz Karadeniz va kompaniyaning sarmoya va strategiya bo‘yicha mutaxassisi Eren Ashkin ishtirok etdi.

Uchrashuv davomida DOMiNO Ventures va IT Park Uzbekistan o‘rtasidagi hamkorlikning asosiy yo‘nalishlari muhokama qilindi.

O‘zbekistonlik startaplar uchun yangi istiqbollarni ochadigan mahalliy loyihalarga sarmoya kiritish imkoniyatlariga alohida e’tibor qaratildi.

Bu oʻzbek innovatsiyalarining xalqaro maydonga tezroq va yaxshiroq kirib kelishiga hissa qoʻshishi mumkin, shuningdek, Domino Ventures kompaniyasining Oʻzbekiston bozoriga qiziqishini oshirishga yordam beradi.

Shuningdek, uchrashuv davomida investitsiya strategiyalari va Jamg‘arma fondini yaratish imkoniyatlari muhokama qilindi. Uzoq muddatli istiqbolda mazkur tashabbus mahalliy va xalqaro investorlar o‘rtasida chuqur integratsiyalashuvi uchun sharoit yaratadi va shu orqali mamlakatda venchur faollikni kuchaytiradi.

DOMiNO Ventures vakillari O‘zbekiston venchur kapital bozorining AloqaVentures va UzCard Ventures kabi yirik ishtirokchilari bilan ham qator uchrashuvlar o‘tkazdi. Ushbu uchrashuvlar hamkorlik aloqalarini mustahkamlash, O‘zbekiston venchur bozorining xususiyatlari va ehtiyojlarini yaxshiroq tushunish imkonini berdi, bu esa, o‘z navbatida, mahalliy darajada o‘zaro yaqinroq hamkorlik va samarali ishlashga xizmat qilmoqda.

DOMiNO Ventures kompaniyasi IT Park Uzbekistan vakillari bilan uchrashuv chog‘ida uzoq muddatli va samarali hamkorlikka intilishini ta’kidladi. Ushbu tadbir O‘zbekiston startap ekotizimini rivojlantirish uchun yangi imkoniyatlar ochadi va uning jahon innovatsion hamjamiyatiga integratsiyalashuvini qo‘llab-quvvatlaydi.