Female Startup: EasyStep — IT-mutaxassislarini tayyorlash boʻyicha platforma

Female Story rukni tinglovchilarni Tumaris.Tech dasturida qatnashgan Markaziy Osiyo davlatlarining muvaffaqiyatli loyihalari bilan tanishtirishda davom etadi.

Bugun IT Park mehmoni – qozog‘istonlik 39 yoshli EasyStep loyihasi bosh direktori Asel Seyfullina. IT Parkʼga bergan intervyusida u o‘z ishida uni nima ilhomlantirgani, qanday qiyinchiliklarni yengib o‘tgani va Tumaris.Tech startap ustida ishlashda qanday yordam bergani haqida gapirib berdi.

Barchasi nimadan boshlandi?

Assel Seyfullina – YasDiEducation markazi asoschisi, treker, S. Seyfullin nomidagi KazATU katta oʻqituvchisi.

U 20 yildan ortiq vaqt davomida ta’lim sohasida faoliyat yuritib, universitetda ham, o‘z o‘quv markazida ham IT fanlaridan dars beradi.

“Ta’lim sohasidagi ko‘p yillik mehnatim sohadagi ko‘plab kamchiliklarni ko‘rishga yordam berdi. Men koʻpincha ish beruvchi nimani koʻrishni xohlayotgani va hozirda qanday oʻqitish usullari qoʻlanilishi oʻrtasida muammo borligini koʻraman. Yil davomida men EdTech sohasidagi loyihalari bozorga qanday mahsulotlar taklif qilayotganini kuzatdim va ularda nima yetishmayotganini intuitiv ravishda his qildim. EasyStep kabi platformani yaratish gʻoyasi shunday tugʻildi”.

Hozirda startap jamoasi 6 nafar aʼzodan iborat boʻlib, ularning barchasi tizim boshqaruvi, marketing va taʼlim sohasida katta tajribaga ega mutaxassislar:

• Asel Seyfullina – bosh direktor, IQBBA sertifikatlangan biznes-tahlilchisi, “YasdiEducation” oʻquv markazi asoschisi, treker, Flutter Flow dasturchisi, 20 yildan ortiq tajribaga ega S.Seyfullin nomidagi KazATU katta o‘qituvchisi, IT sohasida 10 yil tajribaga ega;
• Denis Konaryov – DevOps, Linux sohasida sertifikatlangan mutaxassis: LPIC (Linux Professional Institute Certification), shuningdek, ikki marta RHCSA (Red Hat Certified System Administrator);

• Yerkebulan Jappar – СТО, Senior low code Flutter Flow developer;
• Zarina Bayzen – Loyiha menejeri, oʻz Oliy oʻquv yurtida loyiha elchisi, S.Seyfullin nomidagi KazATTU “Biznes informatika” mutaxassisligi bo‘yicha 3-kurs talabasi;
• Konstantin Nasonov – CMO, JustUP xalqaro marketing agentligi asoschisi;
• Meerim Kubatova – Qirg‘izistonda mintaqaviy direktori, sarmoyaviy tahlilchisi, Global Initiative of the Aga Khan Development Network.

Startap jamiyatga qanday foyda keltiradi?

EasyStep – bu IT mutaxassislarini tayyorlash bilan shugʻullanadigan innovatsion yechim. Bu veb va mobil ilova sifatida taqdim etilgan bir necha marta bosish orqali IT sohasiga tezkor kirish platformasi. Bu yerda jarayonning barcha ishtirokchilari uchrashadilar: talaba, bitiruvchi, ekspert va ish beruvchi.

Startap jamiyatni raqamlashtirishga va jarayon ishtirokchilarining iqtisodiy farovonligini oshirishga yordam beradi.

Quyidagi yechimlar:

• IT mutaxassislarini ish bilan taʼminlash konversiyasini oshiradi;
• ish beruvchi, mutaxassislar va talabalar oʻrtasidagi chegaralarni oʻchiradi;
• ekspertlarga oʻz malakalarini monetizatsiya qilish imkonini beradi;
• talabalarning muvaffaqiyatini oshiradi;
• kasbga yoʻnaltirishda yordam beradi.

Hozir startap faol rivojlanish bosqichida.

“Menimcha, rivojlanish juda tez ketmoqda. Foydalanuvchilar soni ortib bormoqda, bizda joriy yil oxirigacha sotuvlar va jahon bozoriga chiqish rejalari mavjud.

2023-yil mart oyida investor hamkorim bilan uchrashish baxtiga muyassar bo‘ldim, u bilan birgalikda Qozog‘iston uchun EasyStep Kazakhstan brendi bilan alohida loyiha yaratmoqdamiz”.

Qiyinchiliklarni qanday yengdingiz?

Asselning taʼkidlashicha, loyiha ustida ishlashning eng qiyin qismi yaqinlar hamda ishlar oʻrtasidagi muvozanatni topish va shu bilan birga diqqatni yoʻqotmaslik edi.

“Hammasi oson boʻlgan deb aytmaymanu, ammo mukammal tuzilgan Tumaris Tech II dasturi tufayli koʻplab savollar oʻquv seminarlarida darhol hal qilindi. Men bunday dasturda ishtirok etganimdan juda xursand bo‘ldim, buning natijasida men o‘z loyiham uchun qiymat taklifini to‘g‘ri tasvirlab bera oldim va uning atrofida ishlaydigan biznes modelini qura oldim, shuningdek, ta’lim muhiti va netvorkingga kirish imkoniyatiga ega bo‘ldim”.

Bugungi kunda, rukn mehmoni, Qozog‘istonda startap ekotizimlari ancha rivojlanganligini taʼkidlamoqda, ko‘plab turli dasturlar, grantlar, tanlovlar mavjud bo‘lib, ular yosh avlodning o‘ziga xos loyihalarini yaratishga qiziqishini oshirishga xizmat qilmoqda. Shuning uchun har kim oʻz mahsulotini rivojlantirishi mumkin.

 “Menga koʻp savol berishadi: bugungi kunda startapper qaysi nishalarga kirmasligi lozim? Shunga qaramay, men koʻproq gʻoya 5-oʻrinda, asoschining oʻzi muhimroq degan fikrdaman. Qoidaga koʻra, barcha cheklovlar loyihaning oʻzida yoki bozorda emas, balki asoschilarning boshida”.

Startaplarning afzalliklari juda koʻp, va birinchi navbatda – bu ijodiy erkinlik.

“Menga bu ijodkorlik hissi yoqadi. Siz yangi, foydali narsa yaratasiz, bir vaqtning oʻzida bir nechta sohalarda, masalan, Mahsulotlarni boshqarish, tadbirkorlik va boshqalardan katta tajribaga ega boʻlasiz. Boshlanuvchi startapperlarga murojaat qilmoqchiman: loyihani yaratganingizda, aslida siz gʻamxoʻrlik qilinishi kerak boʻlgan, rivojlanishi va koʻtarilishi kerak boʻlgan bolani yaratasiz. Eng muhimi, oʻzingizga hamda kuchingizga ishonish, oʻz cheklovlaringiz ustida ishlash va yanada rivojlanishdir.”