G.V.Plexanov nomidagi Rossiya iqtisodiyot universitetining Toshkent shahridagi filiali qoshidagi inkubatisya markazida Demo Day bo‘lib o‘tdi

Joriy yilning 16-iyun kuni G.V.Plexanov nomidagi Rossiya iqtisodiyot universitetining Toshkent shahridagi filiali qoshidagi inkubatisya markazida Demo Day bo‘lib o‘tdi. Demo Day IT Park va universitet hamkorligida tashkil etildi.

O‘z loyihasini inkubatsiya markazida rivojlantirish istagini bildirgan 23 ta ariza orasidan faqat quyidagi 6 tasi o‘z loyihasini Demo Day’da namoyish etish imkoniyatini qo‘lga kiritdi:

- BiziLand
O‘yinchoqlarni onlayn yaratishga mo‘ljallangan platforma.

- WuWei
Joy bron qilish hamda ovqat buyurtma qilish uchun koyinot uslubidagi restoran.

- Sportspot
Har xil turdagi bo‘limlarni o‘z ichiga olgan va sport maydonchalarini bron qilish imkoniyatini beruvchi sport agregatori.

- Online billboards
Onlayn ravishda narxlarni tekshirish va barcha shaharlarda billboard bron qilish imkonini taqdim etuvchi platforma.

- 360 Virtual tour
Turli binolarda virtual turlarni tashkil etishga imkon beruvchi loyiha.

- Coveralls
Allergiyadan qiynaladiganlar uchun gipoallergen kiyimlar ishlab chiqarish.

Loyihalar quyidagi hakamlar hay’ati azolari tomonidan baholandi:

- WABI SABI kreativ kompaniyasi asoschisi Minas Sarkisyan;

- Marketolog, bloger, influencer Kamilla Maxsudxonova;

- IT Park inkubatsiyasini rivojlantirish menejeri Elvira Salavatova;

- OTM ilmiy-nashriyot bo‘limi rahbari Olga Abayeva;

- mehnat iqtisodiyoti va menejment kafedrasi PhDsi Nodirbek Tula. 

Demo Day yakunida, hakamlar hay’ati loyiha asoschilariga loyihalarini yanada rivojlantirish yuzasidan maslahatlar va tavsiyalar berishdi.