“IIFT-2023” qanday oʻtdi?

27–28-aprel kunlari Congress Hall Tashkent Cityʼda Prezident Shavkat Mirziyoyev ishtirokida yalpi majlis bilan ochilgan ikkinchi Toshkent xalqaro investitsiya forumi (IIFT-2023) bo‘lib o‘tdi.

Toshkent xalqaro investitsiya forumi – bu butun Markaziy Osiyo mintaqasi uchun keng ko‘lamli muloqot maydoni bo‘lib, O‘zbekistonning sarmoyaviy salohiyatini xalqaro investitsiya va biznes hamjamiyatiga taqdim etish imkonini beradi. Forum O‘zbekistonning jadal rivojlanayotgan bozoriga integratsiyalashuvga qiziqqan yirik xorijiy sarmoyadorlar, moliya-iqtisodiy tashkilotlar va kompaniyalar rahbarlarini jalb etishga qaratilgan.

“IIFT-2023” doirasida yalpi majlis boʻlib oʻtdi, ekspertlarning 30 dan ortiq muhokama uchrashuvlari, jumladan panel sessiyalari, davra suhbatlari va b2b muzokaralari ham Oʻzbekiston, ham butun Markaziy Osiyoning sarmoyaviy salohiyatini rivojlantirishga qaratilgan.

Bir qator mamlakatlardan 150 ga yaqin yetakchi xalqaro kompaniyalar, fondlar rahbarlari, taniqli iqtisodchi va ekspertlar soʻzga chiqdilar va ular investitsiyalar olamidagi tendensiyalar, “yashil” energiya, elektron tijoratni rivojlantirish istiqbollari va xalqaro miqyosda iqtisodiy hamkorlikni chuqurlashtirishning boshqa dolzarb masalalarini muhokama qildilar.

Raqamli texnologiyalar vaziri Sherzod Shermatov “Elektron tijorat: yangi istiqbol va imkoniyatlar” mavzusidagi panel muhokamasida ishtirok etdi. U elektron tijoratning istiqbollari va respublikada ushbu yoʻnalishda olib borilayotgan ishlar haqida o‘z fikrlarini bildirib, butun dunyoda elektron tijoratga talab ortib borayotganini taʼkidladi.

Xususan, odamlar uydan ishlashga majbur bo‘lgan pandemiya davri onlayn xizmatlarga bo‘lgan talabning sezilarli darajada oshganini ta’kidladi. Qolaversa, bu elektron tijorat sohasida bartaraf etilishi kerak bo‘lgan kamchiliklarni ko‘rsatdi.

Forum davomida xorijiy kompaniyalar vakillari O‘zbekistonning elektron tijorat sohasidagi jozibadorligi ortib borayotganini ta’kidlab, onlayn bozorni yanada rivojlantirish va uning istiqbollari haqida o‘z fikrlarini bildirdilar. Iste’molchilarga yetarli miqdordagi elektron onlayn xizmatlarni taqdim etuvchi raqamli ekotizim haqida ham fikr-mulohazalar tinglandi.

Investisiya forumi doirasida 28-aprel kuni biznes nonushta tashkil etilib, unda quyidagi mavzular muhokama qilindi: taʼlimga qanday sarmoya kiritish kerak, mazkur sohaga sarmoya kiritishga nima toʻsqinlik qilmoqda va ushbu yoʻnalishda qanday muammolar mavjud.

Quyidagi spikerlar bu boradagi fikr va tajribalari bilan boʻlishdilar: Oliy ta’lim, fan va innovatsiyalar vazirining o‘rinbosari Shaxlo Turdikulova, O‘zbekiston Respublikasi maktabgacha va maktab ta’limi vaziri o‘rinbosari Temurjon Komilov, IT Park direktorining birinchi o‘rinbosari Abdulahad Kuchkarov, taʼlimni rivojlantirish boʻyicha direktor oʻrinbosari Mahliyo Muksinova, IT Parkʼning reklama va jamoatchilik bilan aloqalar boʻlimi boshligʻi Jamila Xalibayeva, “Global Asia Consulting” kompaniyasi boshqaruvchi hamkori Zohri Idris, Toshkent shahridagi Inha universiteti rektori Muzaffar Djalalov, “Coursalytics” hammuassisi va bosh direktori Ilya Breyman va boshqalar.

Eslatib oʻtamiz, birinchi “IIFT” 2022-yilda oʻtkazilgan. O‘tgan yilgi forum erishilgan kelishuvlar nuqtai nazaridan ahamiyatli bo‘ldi: oʻsha paytda umumiy qiymati 7,8 milliard dollarga teng shartnomalar va sarmoyaviy kelishuvlar to‘plami tuzildi.