Inha Universitetida Google I/O Extended 2023 boʻlib oʻtadi!

8-iyul kuni soat 14:00 da Toshkent shahridagi Inha universitetida Google I/O 2023 kengaytirilgan konferensiyasi bo‘lib o‘tadi.

Google I / O Extended – bu Google tomonidan Android, Chrome, Chrome OS, Google APIs, Google Web Toolkit, App Engine va shu kabi ko‘plab Google xizmatlari va ochiq texnologiyalarning rivojlanishini muhokama qilish maqsadida dasturchilar uchun har yili o’tkaziladigan tadbirdir.

I/O Extended 2015-yilda IUT talabalari tomonidan tashkil etilgan va hozirda GDG Tashkent nomi bilan tanilgan – O‘zbekiston va Markaziy Osiyodagi eng yirik IT hamjamiyatlaridan biri.

I/O Extended dasturchilar uchun mo‘ljallangan. GDG Tashkent ko‘plab xalqaro va mahalliy ekspertlarni taqdimotlar, sessiyalar va ish soatlariga taklif qiladi, bu yerda har bir ishtirokchi o‘zini qiziqtirgan ma’lum bir soha mutaxassisiga savol berishi mumkin.

Bundan tashqari, anjumanda O‘zbekistonning axborot texnologiyalari va startap-loyihalari sohasidagi yetakchi mutaxassislari ishtirok etadi.

Ishtirok etish istagida bo‘lgan dasturchilar tadbirning rasmiy veb-saytida 7 iyulga qadar ro‘yxatdan o‘tishlari mumkin: https://gdg.community.dev/events/details/google-gdg-tashkent-presents-google-io-extended-tashkent-23/

Google I/O Extended 2023 anjumani so‘nggi texnologiya tendensiyalaridan xabardor bo‘lishni istagan barcha dasturchilar uchun samarali va ta’lim beruvchi tajriba bo‘lishni va’da qiladi