Iste’dodli video montaj ustasi hikoyasi

Barchaga sevimli boʻlgan Success Story rukni ostida yana bir isteʼdodli yosh qahramonimizni sizga tanishtiramiz.

Abdulloh Buriyev — 2001-yilda Xorazm viloyatida tavallud topgan. Hozirda Urganch davlat Universiteti ( UrDU) bitiruvchi talabasi. IT Park Xorazm filiali Video montaj kursini muvaffaqiyatli oʻqib tugatgan.

Qahramonimiz barcha yoshlar kabi texnika, texnologiya sohasiga katta qiziqish bildirgan. Zamonaviy kasblar haqida gapirar ekan qahramonimiz qanday qilib bu soha vakiliga aylanganini gapirib oʻtdi:

“Men avvaldan  zamonaviy kasblarga qiziqardim. Video montaj yoʻnalishi ham zamon talabidagi kasblardan biri boʻlganligi sabab, mening bu yoʻnalishga boʻlgan qiziqishim juda yuqori edi ammo meni qaysi oʻquv markazda taʼlim sifati kuchliroq degan koʻp oʻyga solgandi. Ammo bir kuni IT Park Xorazm filialida Video Montaj kursi boʻyicha ochiq dars boʻlishi va bu ochiq darsga media sohasiga qiziquvchi barcha yoshlar taklif etilganligi haqidagi eʼlonga koʻzim tushda va men bu ochiq darsda qatnashib Video Montaj kursini IT Parkda oʻqishim kerak ekanligini bildim”.

Abdulloh hozirda “Anor News” Ommaviy Axborot vositasida Video Operator hamda Video Montaj ustasi lavozimida ish yuritmoqda. U doimiy ish faoliyatidan tashqari qoʻshimcha daromad manbalari mavjudligini ham aytib oʻtdi.

Qahramonimiz kelajakda oʻz ustida ishlab media sohasi boʻyicha mohir mutaxassisga aylanib oʻz oʻquv markazini tashkil qilish niyatida ekanligini maʼlum qildi.

Abdulloh oʻzining misolida ishtiyoqi boʻlgan har qanday inson IT mutaxassisi boʻlishi mumkinligini koʻrsatib bermoqda. Asosiysi — intilish, mehnat qilish va oʻrganishga boʻlgan qiziqishdir. IT-markazlar esa ushbu maqsadlarni amalga oshirishga yordam beradi. Balki ruknimizning keyingi qahramoni siz boʻlarsiz?