IT Park Cyber Cup 2025: turnir yakunlari

25–28-avgust kunlari Raqamli texnologiyalar vazirligi va IT Park Uzbekistan hamkorligida tashkil etilgan “IT Park Cyber Cup 2025” kiberturniri bo‘lib o‘tdi. Turnirga “UPGrade” kompaniyasi homiylik qildi. Musobaqa doirasida ikkita yo‘nalish — “CS2” va “Dota 2” bo‘yicha o‘yinlar tashkil etildi.

“Dota 2” yo’nalishida “Maroqand” va “CS2” bo‘yicha esa “QualQore” jamoalari g‘oliblikni qo‘lga kiritdi. Turnir ekotizim rezidentlari va hamkorlari jamoalarini birlashtirib, mamlakatimiz IT-hamjamiyatida kibersportning yuqori darajada rivojlanganligini namoyish etdi.

Dota 2:

Birinchi o‘rinni “Maroqand” jamoasi egalladi. Ikkinchi o‘rinda “UZINFOCOM”, uchinchi o‘rinni esa “QualQore” va “TUNE” jamoalari bo‘lishdi.

Counter-Strike 2:

Birinchi o‘rinni “QualQore” jamoasi egalladi. Ikkinchi o‘rinda “UZINFOCOM”, uchinchi o‘rinni esa “Colibrex Syndicate” va “fido.cfg” jamoalari bo‘lishdi.

Tadbir davomida tomoshabinlar uchun viktorina va sovrinlar o‘yini ham o‘tkazildi. “CS2” va “Dota 2” bilimdonlari kiberturnir homiysi “UPGrade” kompaniyasidan kompyuter texnikasini qo‘lga kiritishdi.

“IT Park Cyber Cup 2025” tashkil etilishi IT Park Uzbekistan uchun rezidentlar hamjamiyatini mustahkamlash, kompaniyalar o‘rtasidagi ichki aloqalarni rivojlantirish va IT sohasida kasbiy o‘sish madaniyatini qo‘llab-quvvatlashda yordam beradi.