IT Park delegatsiyasining Londonga safari natijalari

17–21-aprel kunlari Londonda ITʼdagi fintech yo‘nalishiga bag‘ishlangan ixtisoslashtirilgan haftalik “UK FinTech Week 2023” konferensiyasi bo‘lib o‘tdi. Ushbu anjumanda IT Park Uzbekistan delegatsiyasi ham faol ishtirok etdi. 

Safar yetakchi fintech kompaniyalari bilan uchrashish, hamkorlik istiqbollarini o‘rganish va mamlakatning fintech investitsiyalari yoʻnalishi sifatida salohiyatini namoyish etish imkoniyati boʻldi. Konferensiya doirasida O‘zbekiston delegatsiyasi Apex Fintech Solutions, RNWL, PropCap Technologies, Onfido, Ripple, FinTech Wales, Eigen Technologies va boshqa kompaniyalar bilan bir qator uchrashuvlar o‘tkazdi.

Malta startap ekotizimini kengaytirishga qaratilgan “Start in Malta” davlat tashabbusi doirasida delegatsiya O‘zbekiston va Malta startap hamjamiyatlari o‘rtasidagi hamkorlik va bilim almashish imkoniyatlarini muhokama qildi.

Bundan tashqari, delegatsiya vakillari “Open Banking Roundtable” davra suhbatida ishtirok etishdi va unda loyihalarni O‘zbekistonga jalb qilish maqsadida IT Park rezidentlari portfoliosini ilgari surish bo‘yicha qo‘shma loyihalarni ishlab chiqishda hamkorlik qilish imkoniyatlari muhokama qilishdi.

Konferensiyaning ikkinchi kuni “Moliyaviy texnologiyalarni tartibga solishning kelajagi” mavzusidagi panel muhokamasi bilan boshlandi, unda delegatlar sohadagi so‘nggi tartibga soluvchi oʻzgarishlar haqida bilib oldilar.

IT Park direksiyasi vakillari shu kuni Buyuk Britaniya texnologiya sanoati vakili bo‘lgan a’zo tashkilot TechUK kompaniyasining biznesni rivojlantirish bo‘yicha direktori bilan uchrashuv oʻtkazdi.

Tomonlar potensial hamkorlikni muhokama qildilar hamda IT Park rezidentlari va TechUK aʼzo kompaniyalari oʻrtasida bilim va tajriba almashish uchun qoʻshma vebinarlar oʻtkazishga kelishib oldilar.

Qoʻshma vebinarlardan tashqari, TechUK vakillari Buyuk Britaniya va Oʻzbekiston kompaniyalari oʻrtasidagi potensial hamkorlikni qoʻshimcha qoʻllab-quvvatlash maqsadida Buyuk Britaniya Xalqaro savdo vazirligi ishtirok etadigan Oʻzbekistonga tashrif buyurishga qiziqish bildirdi.

Shu kuni O‘zbekiston vakillari “Ochiq bank ishi va moliyaviy inklyuzivlik” mavzusidagi seminarda qatnashib, moliyaviy inklyuzivlik va moliyaviy xizmatlardan foydalanish imkoniyatlarini targʻib qilishda ochiq bank ishi haqidagi maʼlumotlar bilan tanishdilar. Seminardan so‘ng tarmoq tadbiri bo‘lib o‘tdi, unda ishtirokchilar turli fintech kompaniyalari va tashkilotlari vakillari bilan fikr almashishdi.

19-aprel kuni O‘zbekiston delegatsiyasi Britaniya Fintech sektoriga bag‘ishlangan interaktiv sessiya – “DBT Day: Bringing the UK Fintech ecosystem to You” mavzusidagi tadbirda ishtirok etdi. Tadbirda Buyuk Britaniyaning moliyaviy tartibga solish idorasi vakillari, tartibga solish boʻyicha maslahatchilar va boshqa ko‘plab spikerlar guruhi ishtirok etishdi.

Bundan tashqari, delegatsiya Newstead Capital UK sarmoyaviy direktori Abror Ismailov bilan uchrashib, ko‘chmas mulkni moliyalashtirish va IT Park majmuasi qurilish ishlarining ikkinchi qismini amalga oshirish masalalarini muhokama qildi.

Safarning toʻrtinchi kunida delegatsiya Yevropa Tiklanish va Taraqqiyot Banki (YeTTB) axborot-kommunikatsiya texnologiyalari boʻyicha bosh bankiri Sergey Arsenov bilan uchrashdi. YeTTB vakili IT Park rezidentlarining IT-xizmatlar eksportini oshirishga qiziqish bildirdi. Uning taʼkidlashicha, BPO Mplus kompaniyasi O‘zbekiston bozoriga kirishdan manfaatdor, bu esa O‘zbekistondagi IT va BPO kompaniyalariga o‘z xizmatlarini kengaytirish uchun yangi imkoniyatlar yaratadi.

Delegatlar oldindan to‘langan debet kartasi, valyuta ayirboshlash, kriptovalyuta almashinuvi va peer-to-peer to‘lovlarini oʻz ichiga olgan bank xizmatlarini taklif qiluvchi Britaniyaning Revolut moliyaviy texnologiya kompaniyasi fintech kompaniyasi vakillari bilan uchrashuvda ishtirok etishdi.

Revolut davlat organlari bilan aloqalar boʻlimi boshligʻi Adam Geygenga Oʻzbekiston bozori “Revolut”ning Markaziy Osiyodagi, xususan, Oʻzbekistondagi shtab-kvartirasiga qiziqish bildirishini aytdi. Adam Geygen bunday imkoniyatni koʻrib chiqishni muhokama qilishga tayyorligini aytdi, chunki Revolut rivojlanayotgan bozorlarga faol kirib bormoqda. Tomonlar taklifni yanada muhokama qilish uchun O‘zbekiston Respublikasi raqamli texnologiyalar vaziri ishtirokidagi suhbatni Revolut bilan onlayn video qoʻngʻiroqda davom ettirishga kelishib oldilar.

Shu kuni delegatsiya O‘zbekiston Respublikasining Buyuk Britaniyadagi elchixonasiga tashrif buyurib, dasturiy mahsulotlar ishlab chiqaruvchi “Stackt” kompaniyasi bilan uchrashdi. Tomonlar O‘zbekistonda call-markaz xizmatlarning potensial autsorsing imkoniyatlarini muhokama qildilar. Delegatsiya, shuningdek, O‘zbekiston bozori bilan hamkorlik qilishdan manfaatdor bo‘lgan fintech kompaniyalari va dasturiy ta’minot dasturchi kompaniyalarini o‘z ichiga olgan Direktorlar instituti bilan uchrashdi.