IT Park Uzbekistan Central Asian Startup Forum’dagi panel sessiyasida ishtirok etdi

IT Park Uzbekistan ijrochi direktori Abdulahad Kuchkarov Toshkentda “UEnter” kompaniyasi tomonidan tashkil etilgan “Central Asian Startup Forum” tadbirida ishtirok etdi. Forum mintaqaviy va global startap ekotizimlarining yetakchi vakillari, jumladan 20 mamlakatdan ekspertlar, startaplar, investorlar, akseleratorlar, universitetlar va xalqaro tashkilotlarni birlashtirdi.

Forum ishtirokchilarga fintech (moliyaviy texnologiyalar) sohasidagi startaplar uchun venchur moliyalashtirish, sun’iy intellektni amalda qo‘llash, universitetlar va startaplar o‘rtasidagi hamkorlik, shuningdek, Markaziy Osiyoda ayollar tomonidan asos solingan startaplar uchun mavjud resurslar kabi eng muhim mavzularni qamrab olgan startap hamjamiyati ehtiyojlariga yo‘naltirilgan xilma-xil dasturni taqdim etdi. Tadbirning muhim voqealardan biri “Startup Battle” tanlovi bo‘lib, unda Markaziy Osiyoning beshta mamlakatidan o‘nta eng istiqbolli startaplar qimmatbaho sovrinlar va mintaqaviy e’tirof uchun bellashgan holda o‘z loyihalarini yetakchi venchur fondlariga taqdim etishdi.

IT Park ijrochi direktori Abdulahad Kuchkarov global sanoat o‘zgarishlari sharoitida Markaziy Osiyo startap ekotizimlaridagi joriy tendensiyalarga bag‘ishlangan panel muhokamasida ishtirok etdi. Munozara O‘zbekistonning mintaqaviy texnologik sektordagi mavqeyi ortib borayotganini ta’kidlab, mintaqadagi startaplar duch kelayotgan muammolar va imkoniyatlar haqida fikr almashish uchun platformaga aylandi.

“Markaziy Osiyoning startap ekotizimi jadal rivojlanmoqda va innovatsiyalar va o‘sish uchun ulkan salohiyatga ega, — dedi Abdulahad Kuchkarov. — Mahalliy tadbirkorlar moliyaviy texnologiyalar, sun’iy intellekt, bulutli texnologiyalar va boshqa sohalarda yangi yechimlarni taklif etib, mintaqaviy muammolarni hal qilmoqda. Ushbu taraqqiyot iqtidorlar va intilish tufayli mintaqada texnologiyalar va tadbirkorlik uchun yangi marralarni ko‘rayotgan xalqaro investorlarda qiziqish uyg‘otmoqda.”

Forum IT Park Uzbekistan uchun innovatorlar, investorlar va ekotizim bunyodkorlari bilan aloqalarni mustahkamlash, uning O‘zbekistonda dinamik startap madaniyatini shakllantirishga sodiqligini tasdiqlash uchun noyob imkoniyat taqdim etdi. Bunday tadbirlarda ishtirok etish nafaqat O‘zbekistonning rivojlanayotgan texnologik markaz sifatidagi o‘rnini mustahkamlaydi, balki ish o‘rinlari yaratish, ko‘nikmalarni rivojlantirish va mamlakat raqamli iqtisodiyotining barqaror o‘sishiga hissa qo‘shadigan resurslar, tajriba va potensial hamkorlarni ham jalb qiladi.