IT Park WIUT bilan memorandum imzoladi.

 

2020-yil 22-iyunda IT Park Toshkent shahridagi Xalqaro Vestminster Universiteti (WIUT) bilan o‘zaro hamkorlik toʻgʻrisidagi memorandumni imzoladi.

Ushbu Memorandum doirasida tomonlar quyidagi yoʻnalishlar boʻyicha hamkorlik qilishni koʻzda tutmoqdalar:

1. Tomonlar oʻrtasida toʻgʻridan-toʻgʻri sheriklik aloqalarini oʻrnatish.

2. Donorlar, grantlar va boshqalar ishtirokidagi qoʻshma loyihalar.

3. Startap-ekotizimlarni rivojlantirish boʻyicha qoʻshma loyihalar.

4. Alohida loyihalarni amalga oshirish maqsadida oʻqituvchilar va murabbiylarni almashish.

5. Loyihalarni amalga oshirish uchun institut binosi va infratuzilmasidan birgalikda foydalanish, shuningdek, startap-ekotizimlarni rivojlantirish maqsadida  oʻtkaziladigan IT Park tadbirlari uchun binolardan alohida foydalanish.

6. Oʻzaro kelishuv boʻyicha boshqa yoʻnalishlar.

Ushbu memorandum WIUT talabalari uchun bir qator imkoniyatlarni ochib beradi:

- startaplar uchun inkubatsiya/akseleratsiya dasturlarini amalga oshirish;

- tanlovlar, konferensiyalar, koʻrgazmalar va seminarlarni tashkil etish va ishtirok etish;

- axborot texnologiyalari sohasida dasturiy mahsulotlarni birgalikda ishlab chiqishda, xizmatlarning har xil turlari va shakllarini rivojlantirishda koʻmaklashish;

- IT Park rezident-kompaniyalarida amaliyot oʻtash.

WIUT talabalari, shuningdek, strategik tashabbuslar yordamida innovatsiyalar va tadbirkorlik industriyasi ahamiyatini oshirish maqsadida INNOWIUT Tadbirkorlar Laboratoriyasida IT Park bilan hamkorlik qilish imkoniyatiga ham ega boʻlishlari mumkin.