Jurnalistika va ommaviy kommunikatsiyalar universitetida inkubatsiya markazi ochildi!

2022-yil 27-yanvar kuni O‘zbekiston Respublikasi Jurnalistika va ommaviy kommunikatsiyalar universitetida IT Park ko‘magida talabalarga startap loyihalarini amalga oshirishda yordam beradigan inkubatsiya markazi ochildi.

Inkubatsiya markazi O‘zbekiston Respublikasi Yoshlar masalalari agentligi hamda Huawei kompaniyasi bilan hamkorlikda tashkil etilgan.

Ochilish marosimida IT Park startap ekotizimlarini rivojlantirish departamenti rahbari Farrux Maksumov, Huawei Tech Investment Tashkent kompaniyasi direktori o‘rinbosari Go Velay, Yoshlar masalalari agentligi direktori o‘rinbosari Dilnozaxon Kattaxanova  va boshqalar ishtirok etdilar.

Inkubatsiya markazi talabalar jurnalistika va IT sohalarini uyg‘unlashtirib, o‘z startap loyihalarini amalga oshirish, kasbiy va shaxsiy ko‘nikmalarini rivojlantirish, mentorlar bilan ishlash va boshqa ko‘p imkoniyatlarga ega maskanga aylanadi.

Eslatib o‘tamiz, mazkur inkubatsiya markazi O‘zbekiston oliy o‘quv yurtlarida ochilgan 27-markaz.

Bugungi kunga qadar quyidagi universitetlarda inkubatsiya markazlari ochilgan:

 1. Toshkent shahridagi Inha universiteti (IUT)

 2. Toshkent shahridagi Amiti universiteti

 3. Toshkent shahridagi Turin politexnika universiteti

 4. G.V. Plexanov nomidagi Rossiya iqtisodiyot universitetining Toshkent shahridagi filiali

 5. Toshkent moliya instituti

 6. Toshkent davlat iqtisodiyot universiteti

 7. O‘zbekiston davlat jahon tillari universiteti

 8. Qarshi muhandislik-iqtisodiyot instituti

 9. Nizomiy nomidagi Davlat pedagogika universiteti Shahrisabz filiali

 10. Toshkent kimyo-texnologiya instituti Shahrisabz filiali

 11. TATU Samarqand filiali

 12. Toshkent shahridagi Singapur instituti

 13. Toshkent pediatriya tibbiyot instituti

 14. Andijon davlat tibbiyot instituti

 15. TATU Farg‘ona filiali

 16. JIDU

 17. TATU Urganch filiali

 18. Milliy universiteti Jizzax filiali

 19. Guliston davlat universiteti

 20. Jizzax davlat pedagogika instituti

 21. Toshkent davlat iqtisodiyot universitetining Samarqand filiali

 22. TATU Qarshi filiali

 23. Toshkent irrigatsiya va qishloq xo‘jaligini mexanizatsiyalash muhandislari instituti Qarshi filiali

 24. Namangan muhandislik-qurilish instituti

 25. Andijon qishloq xo‘jaligi instituti

 26. Andijon davlat universiteti

 27. Jurnalistika va ommaviy kommunikatsiyalar universiteti