2019-yil 30-oktabr kuni Oʻzbekiston aloqa tarixi muzeyida Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, IT-Park, INHA va TATU universitetlari va Koreyaning Axborot jamiyatini rivojlantirish instituti (KISDI) oʻrtasida Oʻzbekiston Respublikasida IT startaplarini rivojlantirishsiyosatini ishlab chiqish boʻyicha dasturi doirasida oxirgi uchrashuv boʻlib oʻtdi.

Uchrashuvda KISDI vakillari startap-ekotizimni rivojlanishining juda koʻp jihatlari haqida gapirib oʻtishdi va IT-Park uchun oʻz tavsiyalarini berishdi:

1. IT-taʼlimni rivojlantirish va inkubatsiya va akseleratsiya dasturlari uchun iqtidorli talabalarni jalb qilish uchun Oʻzbekiston Respublikasi oliy taʼlim muassasalari bilan yaqindan hamkorlik qilish;
2. Oʻyinlarni dasturlash yoʻnalishini rivojlantirish uchun Janubiy Koreya hukumati bilan strategik ittifoq tuzish;
3. IT-ekotizimni rivojlantirish boʻyicha qoʻshma dasturlarni yaratish uchun kovorking markazlari, maktablar, oliy taʼlim muassasalari va IT-Parklar oʻrtasida hamkorlikni rivojlantirish;
4. Oʻzbekistonning IT mutaxassislarining faoliyat doirasini kengaytirish va IT bozoriga investitsiyalarni jalb qilish uchun World Bank Group, IASP, EBAN kabi xalqaro tashkilotlar va kompaniyalar bilan xalqaro hamkorlikni rivojlantirish.

KISDI vakillarining taʼkidlashicha, joriy yilning dekabr oyida Oʻzbekiston Respublikasidagi IT-bozori va IT sohasini rivojlantirish istiqbollari boʻyicha toʻliq koʻlamdagi hisobot taqdim etiladi va unda Oʻzbekistonda IT sohasini har tomonlama yaxshilash uchun amaliy maslahat va tavsiyalar beriladi.

KISDI delegatsiyasi uchun ushbu tashrif Oʻzbekistondagi toʻrtinchi va yakuniy tashrif boʻldi. Eslatib oʻtamiz, birinchi marta janubiy koreyalik mutaxassislar oʻtgan yilning boshida respublikamizga tashrif buyurishgan edi. Shuningdek, oʻzbekistonlik mutaxassislar ham Koreyaga javob tashrifi bilan borishgan edi va u yerda Gyeonggi Center for Creative Economy & Innovation, Seoul Startup Hub, Global Entrepreneurs Foundation va shu kabi butun dunyo boʻylab startap madaniyatini targʻib qilish bilan shugʻullanuvchi koʻplab startap-kompaniyalar, texnoparklar va tashkilotlarning faoliyati bilan tanishish imkoniyatiga ega boʻlishgan edi.