Korporativ akselerator: arizalar qabuli boshlanishiga sanoqli kunlar qoldi!

Bir joyda qotib qolmasdan ham kasbiy, ham shaxsiy o‘sish istagida bo‘lgan barcha startaplar diqqatiga. Biz IT Park, Ucell bilan birgalikda o‘z loyihalar amalga tatbiq etish va ularni to‘laqonli kompaniya darajasigacha rivojlantirish istagida bo‘lgan startaplar uchun ajoyib imkoniyat yaratganligi haqida yana bir bor eslatib o‘tmoqchimiz.

Arizalar topshirib sizni faqat olg‘a borishga undovchi mazkur betakror harakat ishtirokchisiga aylanishingiz uchun sizda bor-yo‘g‘i 3 kun qoldi!

Korporativ akselerator sizga nima beradi?

- Ucell’ning yuqori malakali mutaxassislari hamda O‘zbekistonning yetakchi tadbirkorlaridan sohaviy ekspertizasi;

- Ucell texnik bazasini qo‘llab-quvvatlash;

- hamkorlik uchun keng imkoniyatlar;

- startapni rivojlantirishda yordamchi rolini o‘ynaydigan shaxsiy treker;

- va eng muhimi - mutlaqo bepul dastur va eng kuchli jamoa bilan betakror netvorking olib borish.

 

Akselerator dasturi quyidagilarni o‘z ichiga oladi:

1. Hamkorlik

Yangi hamkorlarni jalb qilish, marketing va sotishni rivojlantirish. Hamkorlikning afzalligi – mutaxassislarni qo‘llab-quvvatlash, tajriba almashish, moliyaviy rag‘batlantirish (grant), iste’molchilarni (mijozlarni) topish, qimmatli maslahatlar olish, obro‘- e’tiborga erishish. Bundan tashqari, bu kompaniyalarga yangiliklani tatbiq qilish imkonini beradi.

2. Ta’lim dasturi

Mentorlar ko‘magi, ta’lim resurslaridan foydalanish, ta’lim faoliyati, ma’ruzalar, vorkshoplar va master klasslarni o‘z ichiga oladi.

3. Texnik baza

Mahsulotni sinovdan o‘tkazish va rivojlantirish uchun texnik resurslarga kirishni ta’minlash, shuningdek, kovorking.

Ariza topshiring va kelgusida startaplaringizning sifatli rivojlanishiga hissa qo‘shuvchi katta tajriba va bilimlarga ega bo‘ling. Imkoniyatni qo‘ldan boy bermang. Zero, dam bu damdir, o‘zga damni dam demang!

Ariza topshirishning so‘nggi muddati: 2020-yil, 10-oktyabr.

Akseleratorga ariza topshirish uchun mazkur havola orqali o‘ting: https://startup.ucell.uz/uz/form

Korporativ akselerator sayti: https://startup.ucell.uz/ru

Akselerator haqida batafsil: https://it-park.uz/ru/itpark/news/zapusk-korporativnogo-akseleratora-dlya-startapov-ot-it-park-i-ucell