Oʻzbekistonda Entrepreneurship World Cup 2020 (EWC) tanlovi uchun roʻyxatdan oʻtish yakunlandi!

Eslatib oʻtamiz, IT Park, The Global Educational & Leadership Foundation (tGELF, Hindiston) va Oʻzbekiston Respublikasi Innovatsion rivojlanish vazirligi Oʻzbekistonda Entrepreneurship World Cup 2020 (EWC) tanlovining respublika bosqichiga qabul eʼlon qilgandi.

Tanlov formati har qanday rivojlanish bosqichidagi – gʻoyaviy bosqichdan, faol oʻsish bosqichigacha – startaplarni qoʻllab-quvvatlarni koʻzda tutadi.

Tanlov ishtirokchilariga oʻz loyihalarini xalqaro darajada namoyish qilish imkoniyati beriladi. Final bosqichi gʻoliblarini 1 million AQSH dollari pul ekvivalenti miqdoridagi sovrin jamgʻarmasi, shuningdek hamkorlardan 70 million AQSH dollaridan ortiq qiymatdagi bonus va maxsus takliflar kutib turibdi.

Nihoyat, 2020-yilning 9-avgust kunida tanlov uchun onlayn roʻyxatdan oʻtish oʻz yakuniga yetdi. Joriy hafta davomida dastlabki saralash boʻlib oʻtadi va undan soʻng respublika saralash bosqichiga tayyorgarlik boshlanadi.

Tanlovning respublika bosqichi 2020-yilning 27-sentyabr sanasida onlayn koʻrinishda boʻlib oʻtadi.

Respublika bosqichi gʻoliblari oʻz loyihalari taqdimotlarini 2020-yilning 18–20-oktyabr kunlari xalqaro finalda namoyish qilish imkoniyatiga ega boʻladilar. 

Tanlov haqida batafsil oʻqish: 
https://entrepreneurshipworldcup.com/