«One Million Uzbek Coders» dasturi doirasidagi «Eng yaxshi 100 oʻqituvchi» Fargʻona, Sirdaryo, Namangan va Andijon viloyatlarida

2021-yil iyul oyida IT Parkning Fargʻona, Sirdaryo, Namangan va Andijon viloyatlaridagi filiallarida «One Million Uzbek Coders» loyihasi tanlovi doirasida eng yaxshi 100 nafar oʻqituvchilar roʻyxatiga kiritilgan informatika oʻqituvchilarini taqdirlash marosimi boʻlib oʻtdi.

Maʼlumki, «One Million Uzbek Coders» loyihasi doirasida IT Park tashabbusi bilan Axborot texnologiyalari va kommunikatsiyalarini rivojlantirish vazirligi va Oʻzbekiston Respublikasi Xalq taʼlimi vazirligi koʻmagida «Informatika va axborot texnologiyalarining eng yaxshi 100 oʻqituvchisi» tanlovi tashkil etildi.

Joriy yilning iyul oyida Fargʻona, Sirdaryo, Namangan va Andijon viloyatlarida «Eng yaxshi 100 oʻqituvchi» roʻyxatiga kiritilgan informatika va axborot texnologiyalari oʻqituvchilarini taqdirlash marosimlari boʻlib oʻtdi. Ushbu tanlov natijalari «One Million Uzbek Coders» dan 4 ta yoʻnalishda – maʼlumotlar tahlilli, frontend dasturlash, fullstack dasturlash va Android asosida mobil dasturlash boʻyicha kurslarda qatnashgan informatika oʻqituvchilari talabalari soni bilan aniqlandi.

Fargʻona viloyati

Joriy yilning 19-iyul kuni IT Park Fargʻona filiali binosida «One Million Uzbek Coders» dasturi doirasida «Eng yaxshi 100 oʻqituvchi» roʻyxatiga kiritilgan informatika va axborot texnologiyalari oʻqituvchilarini taqdirlash marosimi boʻlib oʻtdi.

Gʻoliblarga Fargʻona viloyati hokimi oʻrinbosari Fayzullo Qosimov, Vazirlikning axborot texnologiyalari va kommunikatsiyalarini rivojlantirish boʻyicha Fargʻona viloyati boshqarmasi boshligʻi Yusufjon Gʻofurov, IT Park Fargʻona filiali direktori Baxromjon Jalilov tomonidan 4,9 million soʻmlik sertifikatlar va pul mukofotlari topshirildi.

Sirdaryo viloyati

 

Joriy yilning 24-iyul kuni IT Park Sirdaryo filialida «One Million Uzbek Coders» loyihasi ijodkorlaridan «Eng yaxshi 100 oʻqituvchi» tanlovi doirasida 2 nafar gʻolib oʻqituvchilar taqdirlandi. Tadbir Axborot texnologiyalari va kommunikatsiyalarini rivojlantirish vazirligining Sirdaryo viloyati boshqarmasi hamda Xalq taʼlimi vazirligining Sirdaryo viloyatidagi hududiy boshqarmasi bilan birgalikda tashkil etildi.

Namangan viloyati

12 informatika va axborot texnologiyalari oʻqituvchilarini taqdirlash marosimi Axborot texnologiyalari va kommunikatsiyalarini rivojlantirish vazirligining Namangan viloyati boshqarmasi hamda Namangan viloyati xalq taʼlimi boshqarmasi bilan hamkorlikda Namangan viloyatidagi IT Park vakillari tomonidan tashkil etildi.

Andijon viloyati

«One Million Uzbek Coders» loyihasi yetakchilaridan «Eng yaxshi 100 oʻqituvchi» tanlovida gʻolib boʻlgan oʻqituvchilar IT Park va Axborot texnologiyalari va kommunikatsiyalarini rivojlantirish vazirligi tomonidan 4,9 million soʻm miqdorida pul mukofotlari bilan taqdirlandilar.

Xulosa qilib shuni taʼkidlash kerakki, bunday tanlovlarning oʻtkazilishi mamlakatda malakali IT mutaxassislari va informatika oʻqituvchilari sonining koʻpayishiga turtki beradi. «One Million Uzbek Coders» loyihasi shu bilan cheklanib qolmasdan, aholining axborot texnologiyalari va innovatsiyalar dunyosidagi tendentsiyalari toʻgʻrisida xabardorligini yanada oshirishga qaratilgan.