28 август куни стартап экотизими бўйича халқаро эксперт Орфи Лионор IT Паркда мастер-класс ўтказди. Тадбирга 60 нафардан ортиқ киши, шу жумладан стартап жамоалари, бизнесменлар ва мураббийлар ташриф буюрди!

Сиз билан Орфининг фикрларидаги энг муҳим жиҳатларни бўлишмоқчимиз:

• Агар сизда стартап бўлса – энг аввало, тез ўзгарувчан бозорга чақмоқ тезлигида жавоб бера олиш учун, сиз тезкор ва оператив бўлишингиз керак. Энг мослашувчан ва тезкор компаниялар ҳар доим секин ҳаракат қиладиган компанияларни, катта компаниялар эса - кичигини ютиб юборишади;
• Сизга яхши ва бирдам жамоа керак - миқдорга эмас, балки сифатга эътибор қаратинг.
• Ҳиссий кескинликларга тайёрланинг: қилаётган ишингизга бўлган муносабатингиз доимо ўзгариб туради. Бу мутлақо табиий ҳол!
• “Lean Startup” тамойили - вақт харажатларини максимал даражада камайтиришга ҳаракат қилинг. Ғояларни синаб кўришдан бизнес моделини танлашгача бутун жараённи тезлаштиринг. Минимал даражада ривожланиш имкониятига эга маҳсулотлар (MVP) яратинг, уларни синаб кўринг ва шундан кейингина ривожланиш учун сармоя киритинг. Бу сизга стартапингизни йўлга қўйишдаги хавфларни камайтиришга имкон беради.
• Муаммонгизнинг ечими билан эмас, балки унинг ўзи билан қизиқинг! Муаммони ҳал қиладиган маҳсулот яратинг!

Кичикдек туюлган ушбу маслаҳатлар сизнинг стартап-лойиҳангизни ва унга бўлган муносабатингизни 180 даражага ўзгартириши мумкин! Қилаётган ишингизни яхши кўринг, лойиҳангизга ишонинг ва ҳеч қачон таслим бўлманг! Шуни билингки, IT-Парк ҳар доим бу борада сизга ёрдам беришга тайёр!