Poytaxtimizda Relocationuz Summer IT Meetup 4 boʻlib oʻtadi

IT Park koʻmagida 26-avgust kuni IMPACT.T kovorking markazida Relocationuz kompaniyasining toʻrtinchi yozgi uchrashuvi boʻlib oʻtadi.

Uchrashuv ishtirokchilari IT sohasida boy tajribaga ega boʻlgan yuqori darajadagi mutaxassislarning chiqishlarini kutishmoqda. Tashrif buyuruvchilarni haqiqiy misollar va shaxsiy tajribaga ega qiziqarli va esda qolarli maʼruzalar kutmoqda.

IT-hamjamiyatining uchrashuvlari qiziqarli shaxslar bilan uchrashish, tajriba va gʻoyalar almashish, yangi loyihalar haqida bilish va hamkorlar topish uchun yaxshi imkoniyatdir.

Tadbir maʼruzachilari orasida:

• Dmitriy Smirnov, yirik IT-loyihalarni muvaffaqiyatli boshqarishda 15 yillik tajribaga ega. Legacy-tizimlari: ularning yaratilishi va shakllanishi, shuningdek, tizimlarning Legacy-ga aylanish sabablari haqidagi bilimlari bilan oʻrtoqlashadi;
• Timofey Semenenko, tajribali Senior Backend dasturchi, PHP/Golang misolida gibrid ilovalar haqida gapirib beradi;
• Viktor Petuxov, .NET platformasida dasturchi, eski REST NET Framework xizmatini GraphQL .NET 7 yordamida qanday tez va samarali qayta yozish haqida gapirib beradi;
• Ruslan Hakimov, yuqori yuklamaga ega loyihalarda Linux tizimini boshqarish boʻyicha 10 yildan ortiq tajribaga ega. Loki yordamida log-fayllarni yigʻish va Grafana yordamida maʼlumotlarni vizualizatsiya qilish boʻyicha bilimlarini baham koʻradi.

Tadbir soat 17:00 dan 21:00 gacha boʻlib oʻtadi. Ishtirok etish mutlaqo bepul, havola orqali oldindan roʻyxatdan oʻtish talab qilinadi: https://t.me/RelocationItMeetupBot.

Qo‘shimcha ma’lumotni sayt orqali topishingiz mumkin: https://relocationuzit.tilda.ws/meetupit4.