President Tech Award doirasidagi Bootcamp qanday o'tdi

8-12 avgust kunlari Prezident Tech Award tanlovi doirasida Oʻzbekistonning bir qancha shaharlarida Bootcamp boʻlib oʻtdi. Bu mamlakatning turli mintaqalaridan 1000 dan ortiq ishtirokchilarni birlashtirgan va ularga ta’lim olish, innovatsion loyihalarni ishlab chiqish, tajriba almashish, ekspertlar va muvaffaqiyatli tadbirkorlar tomonidan qoʻllab-quvvatlash imkoniyatini beruvchi ta’lim intensivligidir.

Toshkent shahridagi tadbir 8-avgust kuni “Yangi Oʻzbekiston” universitetida boʻlib oʻtdi. Bu yerda Koreya Respublikasi mutaxassislari va muvaffaqiyatli tadbirkorlar investitsiyalarni jalb qilish, biznes modellari va strategiyalarini yaratishning samarali pitching usullari boʻyicha oʻz tajribalari bilan oʻrtoqlashdilar, hamda, oʻzbek texnologik startaplarini jahon darajasiga olib chiqish strategiyalarini muhokama qildilar.

10-avgust kuni Samarqandda boʻlib oʻtgan uchrashuvda ishtirokchilar startaplarni moliyalashtirish, muvaffaqiyatli mahsulotlarni yaratish usullari, investorlarning umidlari va startaplar uchun marketing strategiyalari masalalarini muhokama qildilar.

Tadbir 12-avgust kuni Fargʻona Politexnika institutida yakunlanib, unda startaplar Minimal hayotiy mahsulotni (MVP) yaratish, mahsulotni monetizatsiya qilish, investorlarni jalb qilish va marketing yondashuvlari toʻgʻrisida qimmatli bilimlarga ega boʻlishdi. Shuningdek, ishtirokchilar, TASS Vision, ROYAL TAXI, BILLZ va boshqalar kabi oʻzbek startaplarining muvaffaqiyat tarixlari bilan tanishdilar.

Eslatib oʻtamiz, President Tech Award ishtirokchilari awards.gov.uz tanlov platformasida oʻz arizalarini avgust oyi oxirigacha yakunlashlari mumkin. Sentyabr oyida loyihalarni onlayn baholash bosqichi boshlanadi, natijada oflayn tanlovning keyingi bosqichiga o‘tish uchun har bir toifadan 10 tadan atigi 50 ta jamoa tanlanadi.