Prezident Tech Award tanlovi taqdimoti

Bir qator ta’lim muassasalari va IT akademiyalarida IT Park yirik startap tanlovi President Tech Award taqdimotini o‘tkazdi.

Tadbirlardan ko‘zlangan maqsad tanlov ko‘lamini ko‘rsatish, uning mazmun-mohiyati va ishtirok etish shartlarini tushuntirish, shuningdek, ishtirokchilarni yoshlar uchun yaratilgan imtiyoz va imkoniyatlar bilan yaqindan tanishtirishdan iborat.

Shunday qilib, 15-may kuni Plexanov nomidagi Rossiya iqtisodiyot universitetining Toshkent filiali hamda PDP akademiyasi, Astrum IT akademiyasi va Najot ta’lim o‘quv markazida jami 140 nafarga yaqin talaba-yoshlar ishtirokida taqdimotlar o‘tkazildi.

16-may kuni IT Park vakillari Toshkentdagi Amity universiteti va BePro IT akademiyasida, 17-may kuni esa IT akademiyasida tanlov taqdimotini o‘tkazdi.

Ishtirokchilar loyihani ishlab chiqish, haqiqiy prototip variantlari va bosh sovrinni qo'lga kiritish haqida batafsil ma'lumotga ega bo'lishdi. Ular tanlovning turli jihatlari va muvaffaqiyatli startap yaratish imkoniyatlarini muhokama qilishda, shuningdek, Prezident Tech Award tanlovida ishtirok etish uchun raqobatbardosh jamoalarni shakllantirish masalalarini muhokama qilishda faol ishtirok etdilar.

Tadbirlar 24-mayga qadar davom etadi va quyidagi ta’lim muassasalarida o‘tkaziladi:

• PDP UNIVERSITY – 18-may, soat 13:00 da
• TATU – 19-may soat 12:00 da
• Toshkent moliya instituti – 22-may, soat 11:00 da
• Bobir Akilkhanov Tech Academy - 22-may, soat 17:00 da
• MDIST – 23-may, soat 10:00 da
• Bucheon University - 24-may, soat 10:00 da

“President Tech Award” – raqamli texnologiyalar sohasidagi eng ilg‘or startap loyihalarini e’tirof etuvchi tanlov. U maxsus yo‘nalish (“Gran Prix Hackathon”: 72 soat ichida raqamli yechim yaratishni nazarda tutadi) va asosiy yo‘nalishni o‘z ichiga oladi. U quyidagi toifalarni ko‘zda tutadi:

• sun’iy intellektga asoslangan texnologiyalar;
• ijtimoiy sohadagi raqamli texnologiyalar;
• axborot va kiberxavfsizlik sohasidagi texnologiyalar;
• tadbirkorlik va moliyaviy texnologiyalar;
• kompyuter va mobil o‘yinlar.

Arizalar tanlovning shaffofligi va ochiqligini ta’minlash maqsadida ishga tushirilgan https://awards.gov.uz maxsus portali orqali qabul qilinadi.