Qashqadaryo yoshlari o‘rtasida o‘tkazilgan “Istiqbolli IT-loyihalar” tanlovi natijalari

Qashqadaryo viloyatida AKT vazirligi va IT Park ko‘magida viloyat hokimligi tomonidan tashkil etilgan “Istiqbolli IT-loyihalar” tanlovi g‘oliblarini taqdirlash marosimi bo‘lib o‘tdi.

Tanlovga arizalar qabuli 2022-yil 11–30-noyabr kunlari onlayn tarzda boʻlib oʻtdi. Tanlovga jami 212 ta ariza topshirilib, ulardan 100 tasi saralab olindi.

12–14-dekabr kunlari 55 ta jamoaga boʻlingan 100 nafar ishtirokchi sunʼiy intellekt, tibbiyot, energetika, taʼlim va boshqa yoʻnalishlar boʻyicha oʻz loyihalarini taqdim etdi va hakamlar hayʼati aʼzolari har bir gʻoyani yaxshilab oʻrganib chiqdilar.

Hakamlar hayʼati baholariga koʻra, 3 ta jamoa gʻolib boʻldi:

• 1-o‘rin: “Fenix” jamoasi (TATU Qarshi filiali talabalari) –  “GiFitai” axborot tizimi uchun, u sun’iy intellekt yordamida vazn yo‘qotishda maxsus o‘quv mashqlarini ishlab chiqish va nazorat qilish uchun moslashtirilgan;
• 2-o‘rin: “Remobile” (Qarshi muhandislik-iqtisodiyot instituti talabalari) – arzon narxlarda avtomatlashtirilgan qurilmalardan foydalangan holda joriy energiya tanqisligi sharoitida aholi va iste’molchilar uchun muqobil energiyadan foydalanish va jarayonni mobil qurilma orqali boshqarish imkoniyati;
• 3-o‘rin: “Javohir Group” jamoasi (“IT-city” Akademiyasi talabalari) sog‘liqni saqlash tizimida masofaviy ravishda ro‘yxatdan oʻtishda “Onlayn navbat” tizimi uchun.

Shuningdek, musobaqada faol ishtirok etgan 10 ta jamoaga faxriy yorliq va qimmatbaho sovg‘alar topshirildi.